Ra’iisul wasaare Khayre oo sheegay in dowladda ay qorsheyneyso soo saarista lacago cusub
Khamiis, July, 20, 2017 (HOL) –Ra’iisul wasaaraha Xukuumadda Federaalka Soomaaliya Mudan Xasan Cali khayre, ayaa sheegay in dowladda Soomaaliya ay qorsheyneyso soo saarista lacago cusub oo dalku yeesho.
Ra’iisul wasaaraha ayaa hadalkaasi ka sheegay mar kormeer shaqo uu ku tagay Bankiga dhexe ee Soomaaliya iyo Wasaaradda Batroolka iyo Macdanta.
Mudane Xasan Cali Khayre Ra’iisul Wasaaraha Xukuumadda Federaalka Soomaaliya ayaa maamulka Bankiga dhexe ee Soomaaliya kala hadlay soo saarista lacag cusub oo dalku yeesho , tayeynta shillinka Soomaaliga iyo qaabka ugu wanaagsan ee looga hortagi karo dhibaatadda dhaqaale ee ka dhalan karta adeegsiga lacagaha been abuurka ah ah.
Sidoo kale intii uu kormeerkiisa ku jiray Ra’iisul Wasaaraha wuxuu tagay Wasaaradda Batroolka iyo Macdanta halkaasi oo warbixin kaga dhageystay mas’uuliyiinta wasaaradda taasi oo ku saabsan sida ay u socdaan howlaha wasaaradda.
Qorshaha soo saarista lacagta cusub ee dowladda ay wado ayaa kusoo aadeysa xili degaanno kamid ah Galmudug, Puntland iyo Gobolka Hiiraan, ay ka shaqeyn weysay dhawaan lacagta Shilinka Soomaaliga.
Hiiraan Online,
Hassan Istiila
[email protected]
Mogadishu,Somalia
