Axad, July, 02, 2017 (HOL) – Safiirka
dowladda Britain ee Soomaaliya David Concar oo wareysi gaar ah siinayay Laanta
Afka Soomaaliga ee BBC ayaa ka hadlay arimo badan oo quseeya amniga, musuqmaasuqa, burcad baddeeda iyo mowqifka Britain ee
Soomaaliland.
Mar uu soo hadal qaaday mowqifka Britain ee la xiriira Soomaaliland
iyo gooni isku taageeda ayuu sheegay in UK iyo aduunka intiisa kale
Soomaaliland marnaba u aqoosaneyn dal madaxbanaan oo xor laakiin ay
ixtiraamayaan nabad-galyada ka jirta halkaa.
‘’Sida aad og-tihiin ma aqoonsanin dalal badan oo kalana uma aqoonsana
Soomaaliland dal xor ah oo madaxbanaan, laakiinse waan la dhacsannahay, waanan taageersannahay, Annaga oo sameyn
doonna wax kasta oo horay u marinaya wadahadallada dowladda Soomaaliya iyo
Soomaaliland’’ ayuu yiri safiirka.
Waxaa uu sheegay in dowladda dhexe looga baahan yahay in
Soomaaliland la yeelato xiriir wax dhisaya gaar ahaan arimaha quseeya
waxbarashada, caafimaadka, sirdoonka iyo wixii la mid ah.
‘’Waxaa jira arimo badan oo aan wadahadal kaliya aheyn oo ay si ficil ah isaga kaashan karaan Soomaaliland iyo xukuumada fadhigeedu yahayMuqdisho'' ayuu yiri safiirka UK.
Safiirka UK ee Soomaaliya ayaa siweyn ugu amaanay dowladda Soomaaliya
tallaabooyinka muuqda oo ay ka sameysay sida uu hadalka u dhigay la
dagaalanka musuqmaasuqa iyo amniga.
C/raxmaan Diini, Hiiraan Online
[email protected]