In ka badan 26 Kun oo ardey ah oo u fariisatay Imtixaanka shahaadiga ee Soomaaliland
Axad, July, 02, 2017
(HOL) – Goboladda iyo degmooyinka Soomaliland
waxaaa si rasmiya uga bilaabmay Imtixaankii shahaadiga ahaa ee dugsiyadda
sare iyo dugsiyadda dhexe.
Ardayda
Imtixaankan u fadhiisanaysay ayaa noqonaysa [Lix iyo Labaatan Kun, Shan Boqol
iyo Sideed iyo Konton Arday], kuwaas oo u kala baxaya, lix iyo toban kun iyo
shan boqol waa dugsiyadda dhexe, halka dugsiyadda sare yihiin toban kun iyo
sdeed iyo konton Arday.
Sidoo
kale, ardaydaasi dugsiyadda ay ka kala yimaadeen ayaa dhan 121 dugsi oo
dugsiyada sare ka kooban iyo afar noqol iyo saddex dugsiyadda dhexe ah.
Gudoomiyaha
imtixaanka Qaran Daa’uud Axmed Faarax ayaa sheegay in sanadkan si weyn loo
adkeeyey imtixaankii,isla markaana ardayda laga wacyigeliyey inay Moobilo usoo
qaataan goobaha imtixaanka lagu gallayo.
Sidoo
kale, Daa’uud Faarax ayaa sheegay in arday xabsiga dhexe ee Hargeysa ku
jirtay loo ogolaaday inay iyaguna imtixaanka la fadhiistaan ardaydan,
waxaanay imtixaanka ku galayeen xarunta imtixaanaadka qaranka oo inta dirayskii
loo xidhay imtixaanka u fadhiisteen, waxaanu sheegay in marka imtixaanka
dhamaystaan dib loogu celin doono xabsiga ay ku jireen.
Wasiirka
Waxbarashadda Somaliland Cabdilaahi Ibraahim Habanne ayaa waalidka aad ugu
adkeeyey in ay caruurtoodda ka ilaaliyaan wixii Qishka u fududaynaya, waxaanu
sheegay in sanadkan hal ku dheg looga dhigay “Ardayahow ama Imtixaanka Ama
Maboole-ka kala dooro.
“Waalidinta
waxaan la socodsiinaya, Imtixaanku ma adkee Caruurta ka ilaaliya wixii laga
mamnuucay ee qishka u sababaya, lacagta iyagoo kaash ah usoo dhiiba oo yaan
Mobile loogu soo shubin”ayuu yidhi Wasiirka waxbarashadda Cabdilaahi Dheere.
Wasaaradda
waxbarashadda ayaa sheegtay in sideedii subaxnimo hal mar loo wada qaybiyey
Imtixaankii dhamaan goboladda oo dhan,isla markaana illaa hadda aanay wax
carqalad ah laga soo sheegin.
Barkhad-ladiif
M. Cumar, Hiiraan Online
[email protected]
Hargeysa,
Somaliland.
