Axad, July, 02,
2017 (HOL) – Kumanaan Soomaali ah ayaa ka soo qeybgashay xaflad lagu
maamuusayay Sanadguuradii 57aad ee ka soo wareegtay markii uu dalka Soomaaliya
ka xoroobay gumestihii goboladda kala haystay taas oo ka dhacday magaalada
Columbus Ohio.
Waxaa munaasabadan goobjoog ka ahaa shaqsiyaas si weyn
bulshada looga dhexyaqaan, iyo Masuuliyiin ka tirsan Baarlamaanka Soomaaliya,
kuwaas oo dhamaantood si weyn ugu xeel dheeraaday ka sheekaynta ahmiyada ay
malmahani u leeyihii Umadda Soomaaliyeed.
Xarunta Jaaliyada Soomaaliyeed oo soo abaabulay xafladan
ayaa dhankooda sheegay in ujeedkoodu yahay in Jiilasha soo koraya iyo kuwa
imaan doona ay dhaxlaan taariikhdooda looba qeexo marxaladihii loo soo maray
halgankii xoriyada iyo sibadaladii Guulaha iyo Guuldaradaba xanbaarsanaa taas
oo si cad u sharaxaysa wixii dhacay xiligii Gumeystaha iyo Kadiba.
Dhamaan masuuliyiintii ka hadashay oo ay ku jireen
xubno ka socday Xaafiiska Duqa Columbus kuwaas oo matalayay Maamulka
gobolka Ohio.
Inta badan caalamka ayaa laga xusaa maalintan taas oo
astaa u ah jiritaanka dalk iyo dadka Soomaaliyeed.
Kooxda Midnimo ee ka dhisan Columbus ayaa Heeso wadani ah
kaalintooda kaga ciyaaryay halka Abwaan Soomaaiyeedna uu ku soo bandhigay
Gabayo aad u qiirobadan oo ka hadlaya Ahmiyada xornimada iyo jiritaanka Umadda.
Xafladan oo ahayd mid si weyn loo soo agaasimay waxay ku
soo idlaatay Jawi aad u dagan.
Deeqo Sonna, Columbus Ohio
