Michael Keating ‘’ Dowladda Soomaaliya wali waxaa hor yaala caqabado u baahan in laga gudbo
Axad, July, 02, 2017 (HOL) – Wakiilka
xog-hayaha guud ee QM u qaabilsan Soomaaliya danjire Michael Keating ayaa
sheegay in dowladda Soomaaliya ay wali heystaan caqabado waa weyn oo u baahan
in laga taageero.
Micheal Keating ayaa sheegay in ay wali taagan yihiin muranka ku saabsan
xuduudaha iyo isku dhacyadda bulshadda Soomaaliyeed.
Waxaa uu sheegay in dowladaha caalamka laga doonaayo in ay si dhaw ula
shaqeeyaan dowladda Soomaaliya.
Wakiilk ayaa qiray in Soomaaliya ay sanadyadii la soo dhaafay ay gaartay
horumaro la taabankaro , inkastoo ay wali taagan yihiin caqabadihii ugu waa
weynaa.
Waxaa uu tilmaamay in kumanaan qof ay wali ku jiraan Barakac ay sababeen
Abaaraha iyo sidoo kale dagaalka lagula jiro kooxaha argagixisada waa sida u
hadalka u dhigay
Waxaa uu xusay Keating in bilaha soo
socda dowladda uu hoggaamiyo madaxweyne Farmaajo la dagaalami doonto amni
darada dalka ka jirta.
Danjire Keating ayaa ugu danbeyntii sheegay in ay muhiim tahay iskaashiga
Shacabka iyo dowladda si looga gudbo caqabadahaasi
C/raxmaan Diini, Hiiraan Online
[email protected]
