3/28/2024
Today from Hiiraan Online:  _
Wararka Maanta- Talaado, July 18, 2017
Wasiirka Amniga: Sirdoonka Soomaaliya waxaa lagu sameyn doonaa is-bedel

 
Talaado, July, 18, 2017 (HOL) –Wasiirka amniga xukuumadda Federaalka ee Soomaaliya Maxamed Abuukar Ducaale (Islow) ayaa sheegay in isbedel lagu sameyn doono ciidamada Nabad Suggida Somaliya.

“Waxaan sameyn doonaa ciidan gaar ah oo ilaaliya ammaanka xarumaha dowladda iyo madaxda dowladda, NISA waxaan ku soo reebi doonaa Mustaqbalka dhaw dhar cad inay noqdaan sida ay ahaan jireen, magaalladda laguma arki doono NISA calaamad ku buufsan.” Ayuu yiri Wasiirka amniga.

Maxamed Abuukar Ducaale (Islow) ayaa sidoo kale waxaa uu sheegay in ciidamada NISA ay u shaqeyn doonaan sidii waagii hore lagu yaqaanay ee dharkacad ah.

Ciidanka Sirdoonka Qaran ee Soomaaliya, ayaa hadda waxaa lagu arkaa magalladda Muqdishu, waxaana saraakiishii hore ee Sirdoonka ay u jeediyeen dowladda in ay wax ka bedesho qorshaha.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa dhawaan magacaabay guddi maamula sanduuqa taakulaynta ciidamada.

Madaxweynaha oo khudbad ka jeediyay munaasabadda daahfurka sanduuqa taakulaynta ciidamada ayaa yiri “Maanta waa maalin baal dahab ah ka galaysa taariikhda ummadda Soomaaliyeed maxaa yeelay waxay tilmaamaysaa wada jirka Shacabka Soomaaliyeed iyo Ciidanka, wada jirka Dowladda iyo Shacabka,”

“Difaaca dalka ma ahan masuuliyad u gaar ah Ciidamada oo kaliya. Waa masuuliyadda u taala qof kasta oo Soomaali ah, haddii aad doonaysaan in aad ku noolaataan dal sharaf leh.”

Madaxwaynaha ayaa ummadda Soomaaliyeed u diray baaq ku aaddan taakulaynta iyo taageerada Ciidamada qaranka si ay dib ugu soo laabato sharafta muwaadinka Soomaaliyeed.

Hiiraan Online,
Hassan Istiila
[email protected]
Mogadishu,Somali












Click here
7/18/2017 2:06 PM EST
Talaado, July, 18, 2017 (HOL) –Somalia ayaa kaalinta koowaad ka gashay wadanka ugu rag qurxoon ka dib qiimayn lagu sameeyay rag-ga ku nool 54 wadan oo ku yaala qaarad-da Afrika ,waxaana si gaar ah loo soo soocay 10-ka wadan ee rag-goodu ay yihiin kuwa ugu qurxoon.

7/18/2017 9:41 AM EST
Talaado, July, 18, 2017 (HOL)- Guddida doorashooyinka Somaliland, ayaa si cad u sheegay in labadda xisbi ee KULMIYE iyo WADDANI jabiyeen xeerkii anshaxa ee ay saxeexeen,isla markaana talaabooyin ka qaadi doonaan.

7/18/2017 9:35 AM EST
Talaado, July, 18, 2017 (HOL)- Gobolka Washington ayaa waxaa ka bilowday doorashooyinka is reeb reebka ee loogu tartamayo kuraasta iyo guddiyada maamula gobolkaasi taasoo dhici doonta bisha November ee sanadkan.

7/18/2017 4:42 AM EST
Talaado, July, 18, 2017 (HOL) –Diyaaro dagaal oo loo maleynayo in ay yihiin kuwa dowladda Kenya ayaa xalay duqeyn ka geystay degaanka Galashuunbi oo galbeed kaga beegan magaalladda Kismaayo ee xaruunta gobolka Jubada Hoose.

7/18/2017 4:18 AM EST
Talaado, July, 18, 2017 (HOL) –Balamaanka Puntland oo maanta kalfadhi loo dhan-yahay ku yeeshay magaalada Garowe ayaa kalsoonidii kala laabtay xukuumad-da uu hogaamiyo madaxweyne Cabdiwali Maxamed Cali Gaas ,taasi oo shaqaynaysay dhowrkii sano ee la soo dhaafay.

7/18/2017 3:47 AM EST
Talaado, July, 18, 2017 (HOL) –County-gga Lamu ee Gobolka Waqooyi Bari ee dalka Kenya ayaa waxaa ku soo badanayay bilihii lasoo dhaafay weerarada ay geysanayaan xarakadda Al Shabaab.

7/18/2017 1:27 AM EST
Talaado, July, 18, 2017 (HOL) –Kolonyo ay la socdeen Ciidamada Midowga Afrika ee AMISOM, ayaa gelinkii dambe ee shalay qarax miino lagula eegtay duleedka Magaallada Jowhar ee Gobolka Shabellaha Dhexe, sida dadka degaanka ay sheegeen.

7/18/2017 1:03 AM EST
Talaado, July, 18, 2017 (HOL) –Ra’iisul Wasaaraha Soomaaliya Mudane Xasan Cali Khayre ayaa shalay galinkii dambe kormeer ku tagay Wasaaradda Arrimaha Gudaha, Federaalka iyo Dib-u-heshiisiinta Soomaaliya waxuuna kula kulmay Wasiir Dowlaha Wasaaradda Arrimaha Gudaha,Wasiir ku xigeenka Wasaarada iyo qaar kamid ah agaasimayaasha oo ku howlnaa diyaarinta hindiso sharciyeedyo dhowr ah kuwaasoo oo ay ka mid ahaayeen Hindise Sharciyeedka Xaduudaha, Axsaabta, Jinsiyadaha, Doorashooyinka iyo sharciga Dowlada Hoose oo qaar kamid ah loo gudbiyay xukuumada Soomaaliya si ay u meel mariyaan ka dibna loo gudbiyo Baarlamaanka dalka si loo ansixiyaan sharciyadan.

7/18/2017 12:55 AM EST
Talaado, July, 18, 2017 (HOL) –Wasiirka Wasaarada Gaadiidka iyo duulista Hawada Soomaaliya Maxamed Cabdullaahi Oomaar, ayaa magaalladda Nairobi ee caasimada dalka Kenya kula kulmay wasiirka wasaaradda Dulista Hawada dalka Kenya Mudane James iyo madaxa Civil aviation-ka dalka Kenya.