Isniin, July, 17, 2017 (HOL) - Ciidamada
Ammaanka dalka Kenya ayaa howlgallo culus waxa ay ka waddaan xadka Soomaaliya
iyo Kenya ay wadaagaan , waxaana howlgalladaasi lagu baadigoobaya dagaalyahanno
ka tirsan Al-Shabaab.
Sarkaal Sare oo ka tirsan ciidammada Ammaanka dalka Kenya ayaa warbaahinta u
sheegay in howlgalkaan lagu xaqiijinaayo Ammaanka xuduudka labada dal oo inta
badan Al-Shabaab ay ka soo gudbaan,islamarkaana ay weeraro ka geystaan gudaha
Kenya.
Waxaa uu sidoo kale sheegay intii howlgalka ay ku jireen in ay soo qabteen
dhalinyaro lagu tuhmaayo in ay Al-shabaab xiriir la leeyihiin.
Ciidamada Ammaanka dalka Kenya ayaa bilihii la soo dhaafay laba jibaaray
howlgallada ay ka waddaan gobolka Waqooyi Bari ee dalka Kenya.
Al-Shabaab ayaa weeraro Khasaare badan dhaliyay ku qaaday dalka Kenya gaar
ahaan gobolka Waqooyi Bari, waxaana horraantii Bishaan Bandow lagu soo roggay
degaano ka tirsan dalka kenya.
C/raxmaan Diini, Hiiraan Online
[email protected]
