Axad, July, 16, 2017 (HOL) – Koxo hubeysan ayaa caawa xaafadda Howl-wadaag ee magaalada Baladweyne ku dilay Askari ka tirsanaa ciidamada nabad-sugida iyo sirdoonka Soomaaliya.
Goob jooge ayaa u sheegay warbaahinta in raggii Askariga dilay goobta ka baxsadeen, iyaga oo horay u sii qaatay qorigii uu sitay.
Saraakiil ka tirsan hay’adda nabad-sugida ayaa sheegay in ay ku raad joogaan dadkii ka dambeeyay dilka askariga ka tirsanaa ciidamada nabad-sugida Soomaaliya oo caawa lagu dilay Beledweyne.
Goobta uu dilka ka dhacay ayaa waxaa ka soconaya howlgal ballaaran oo ay sameynayaan ciidamada amniga.
C/raxmaan Diini, Hiiraan Online [email protected]