Ra’iisal wasaaraha Canada Justin Trudeau oo qaabilay Ilmo yar oo loogu magac-daray
Axad, July, 16, 2017 (HOL) – Ra’iisal wasaaraha dalka Canada Justin Trudeau
ayaa la kulmay Ilmo ka soo jeeda qoys Syria u dhashay kuwaa wiilkooda ugu magac-daray
siyaasigan si ay uga mahad celiyaan soo dhaweynta uu u fidiyay.
Wiilkan yar oo labo bilood jir ah oo magaciisa oo buuxa yahay Justin Trudeau Adam Bilan, ayaa markii uu ra’iisal
wasaaruhu qaadayay gama’sanaa, waxaana ay xafladda uu ra’isal Wasaaraha ku
qaabilay qoyska ilmahaa yar dhalay ka dhacday Calgary Stampede Sabtidii.
Wiilkan ayaa ku dhashay magaalada Calgary bishii May ee
sannadkan dhowr bilood kaddib markii ay waalidkii ka soo barakaceen
dagaallada dalka Syria.
Bishii February ee sanadkii hore markii ay qoyskan soo gaareen Montreal ra’isal
wasaare Trudeau Madaarka ama Garoonka ugama uusan hor iman si la mid ah siddii
uu qaxootiga kale ee Syria uu u sameeyay.
Ra'iisal wasaaraha dalka Canada ayaa soo dhaweyn u fidiyay qaxootiga ka soo baxsanayay dagaallada dalka Syria kaddib markii madaxweynaha dalka Mareykanka Donald Trump uu ku dhawaaqay xayiraad dhinaca socdaalka ah oo lagu soo rogay dadka ka imanaya Lix dal oo muslim ah.
Intii u dhaxeysay November 2015 markii uu ra'iisal wasaaraha noqday Justin Trudeau ilaa January sanadkan dalka Canada waxaa dib u dajin loogu sameeyay 40,000 oo qaxooti Syria ah kuwaa oo 1, 000 ka mid ah u dhaqaaqeen dhinaca magaalada Calgary.
Waalidka dhalay wiilkan lagu magacaabo Justin ayaa go’aansaday in ay si uun ugu
mahad celiyaan ra'iisal wasaaraha Canada, iyaga oo wiilkooda ku magacaabay Justin Trudeau.
C/raxmaan Diini, Hiiraan Online
[email protected]
