Sabti, July, 01, 2017 (HOL) – Dowladda
Marekanka ayaa hambalyo u dirtay shacabka Soomaaliyeed ee maanta u
dabaal-degaya 57-sano guuradii kasoo
wareegtay maalinta xoriyadda,sida lugu sheegay war-murtiyeed ka soo baxay safaaradda
Soomaaliya ee ku taalla magaalada Muqdisho.
Safiirka Maraykanka u fadhiya Soomaaliya Stephen Schwartz oo ku hadlay afka
dowladda Mareykanka ayaa sheegay in uu marqaati u yahay Soomaaliya inay gaartay
guulo badan oo muuqda.
“Tan iyo markii aan imid Soomaaliya aniga oo noqdey safiirkii u horeeyey
muddo 25 sano ah. Waxaan markhaanti u noqdey guulaha la yaabka leh ee dadka
Soomaaliyeed sameeyeen ee dib u dhiska dalkooda. Inkasta oo ay barbarsocotey
khatar badan sida Macaluul, weeraro ka imaanaya al-Shabaab, dakhliga dowladda
oo yar, caddaaladda oo aan tabar weyn lahayn iyo kuwo kale.” ayuu yiri Denjire
Stephen Schwartz.
Inta wuxuu ku darray in dowladda Maraykanku aaminsan tahay madaxweyne
Maxamed Cabdullaahi iyo ra’iisul wasaare Xasan Kheyre ay dhab ka tahay in ay
dalka ku soo celiyaan nabad iyo dib u heshishiisiin, dadka Soomaaliyeedna dib
ugu laabtaan shaqooyinkoodi.
“Anaga Maraykanka ah iyo qaar kale oo kamid ah beesha caalamku waxaan si
dhaw ula shaqeyneynaa dowladda Federaalka ah iyo maamulada gobolada ka jireyy,
si isbeddel degdeg ah loogu sameeyo bulshada Soomaaliyeed.”
War ka soo baxay safiirka ayaa lagu sheegay in shaqooyinka badan horyaalaan madaxda dowladda Soomaaliya ee aan waxba laga qaban
30kii sano ee u danbeeyey.
C/raxmaan Diini, Hiiraan Online
[email protected]
