Sabti, July, 01, 2017 (HOL) – Haweeneyda hogaamisa xisbiga midig fog ee National
Front ee dalka Faransiiska, Marine Le Pen ayaa waxaa ku socda baaritaan ah in ay
lunsatay lacag uu siiyay baarlamaanka Yurub.
Ms Le Pen ayaa xilligii uu socday ololaha doorashada waxa ay diiday in ay ka
jawaabto su’aalo ku aaddan eedeymaha ah in ay ku tagri fashay maalka umadda.
Haweeneydan ayaa gaartay wareegga kama dambeysta ah ee doorashadii
madaxtinimada ee Faransiiska ka dhacday bishii hore, kaddib markii musharraxa xisbiga Jamhuuriga, Francois
Fillon uu saaxadda kaga baxay eedeymo ah in uu xaaskiisa siiyay mushaar aysan
xaq u lahayn.
Danbi baarayaaasha Faransiiska ayaa hadda baaritaan rasmi ah ku billaabay Ms
Le Pen, oo loo haysto inay ku tagri fashay lacag dadweynuhu leeyahay oo lagu
aaminay.
Ms Le Pen ayaa horay u beenisay in ay wax khalad ah gashay, waxaana ay
sheegtay in baaritaanka uu yahay mid ay siyaasadaysan.
C/raxmaan Diini, Hiiraan Online
[email protected]