Sabti, July, 01, 2017 (HOL) –
Soomaaliya ayaa inta badan looga dabaal-degay xuska munaasabada 57-guurada ka soo wareegatay markii gobollada
koonfureed ay xornimada ka qaateen gumeystihii Talyaaniga dhinaca kalana is
raaceen labada gobol Waqooyi iyo Koonfur.
Madaxweynaha Somalia, Maxamed Cabdullaahi Farmaajo oo xalay ka qeybgalay munaasabad ballaaran oo lagu qabtay xarunta dowladda hoose ee Xamar ayaa rajo badan ka muujiyay Soomaaliya mar uun isku soo noqon doonto.
Madaxweynaha Soomaaliya Farmaajo ayaa ka hadlay Soomaaliland, isagoo sheegay
in dowladdiisu ay diyaar u tahay in ay dib u bilowdo wadahadalladii u dhaxeeyay
Soomaaliland iyo dowladda Somalia.
‘’Waxaan xasuustaan hadal uu horay u yiri Maxamed Xaaji Ibraahim Cigaal oo
ahaa Soomaaliya mar ay ahaataba wey isku soo noqoneysaa, annaga oo taa ka
duuleyna waxaan diyaar u nahay dhinaceena in ay si dhaqse ah u bilaawno wada
hadaladii labada dhinac’’ ayuu yiri madaxweyne Farmaajo.
Safiirka Maraykanka u fadhiya Soomaaliya Stephen Schwartz ayaa war uu soo
saarey ku sheegay isaga oo ku hadlaya magaca dowladda Maraykanka in uu hambalyo
u dirayo shacabka Soomaaliyeed meelkasta oo ay ku sugan yihiin.
Sidoo kale, munaasabado kala duwan oo loogu dabaal-degayo maalmaha xoriyada
ayaa ka dhacay deegaannada maamul gobolleedyada dalka ay ka arimiyaan oo lagu
soo waramayo in xalay saqdii dhexe la saaray calanka buluuga ah.
C/raxmaan Diini, Hiiraan Online
[email protected]