Jimco, Janaayo, 20, 2017 (HOL) – Xog-hayaha guud ee QM Antonio Guterres, ayaa
sheegay in kala bar dagaalamayaasha Al-shabaab yihiin caruur, kuwaa oo lagu
qasbo in ay ka qeyb-qaataan dagaalka ka dhanka ah dowladda DF Soomaaliya iyo AMISOM.
Xog-hayaha QM ayaa sheegay in dagaalkii dhaxmaray March 2016ka ciidamada Puntland iyo Al-shabaab inta badan
xoogaggii lagu qabtay ahaayeen caruur la heystayaal ah.
Antonio Guterres, ayaa sheegay in caruurta dagaalka lagu qabtay
sheegeen in laga soo waday dugsiyadii ay wax ka baranayeen xili waalidkii
dhalay ay u soo direen in ay wax bartaan.
Warbixinta QM ayaa lagu sheegay in caruurtan intooda badan loo adeegsado,
furmaha dagaalka, isticmaalka walxaha qarxa, ka shaqeynta basaasnimada iyo mar
marka qaar howlaha guriga.
Warbixinta xog-hayaha ayaa sidoo kale sheegeysa in carruurta ka tirsan Al-shabaab oo ay dagaalka ku qasbaan ay gaarayaan da’ ahaan 9-jir, kuwaas oo la geeyo furumaha
hore ee dagaalka, iyagoo xambaarsan hub culus.
Ugu dambeyntii xog-hayaha guud ee QM Antonio Guterres, ayaaa ku
baaqay in aan la dagaal galin caruurta yar yar si aan mustaqbalkooda loo lumin.
C/raxmaan Diini, Hiiraan Online
[email protected]