Khamiis, Janaayo, 19, 2017 (HOL) – Maamul gobolleedka
Puntland ayaa sheegtay in ay qabteen sarkaal sare oo ka tirsan Al-shabaab oo
lagu eedeynayo in uu ka danbeeyay dilal is xig xigay oo ka dhacay magaalada
Boosaaso.
Col Cumar Cabdullaahi Fara-weyne oo ah
guddoomiyaha gobolka Nugaal ayaa warbaahinta u sheegay in baaritaan ku
hayaan hay’addaha baarista dambiyada ee Puntland.
Balse guddoomiyaha ma uusan bixin
faahfaahin dheeraad ah oo la xiriira shaqsiga ay gacanta ku dhigeen.
Magaalada Boosaaso waxaa dhawwaan ka dhacay dilal
is xig xigay oo ay ka mid ahaayeen xeer ilaaliyihii maxkamadaha ,taliye ku xigeenkii
ciidamada booliska Puntland iyo Agaasimihii Madaxtooyada Boosaaso iyadoo
dhammaantood ay dilkooda ka dambeeyeen rag ku hubeysan bastoolado.
Ugu danbeyntii, waxaa uu gudoomiyuhu ka gaabsaday
in uu xog dheeraad ah ka bixiyo Sargaalka iyo Dad kale oo ka tirsan Shabaab oo
lala qabtay isagoo hadalkiisa kusoo koobay inuusan ka hor-dhacayn
baaritaankooda.
C/raxmaan Diini, Hiiraan Online
[email protected]