Arbaco, Janaayo, 18, 2017 (HOL) – Waxaa
goor dhaw oo maanta ah gaaray magaalada Cadaado ee xarunta KMG u ah maamulka
Galmudug wafdi ka socda labada aqal ee dowladda federaalka Soomaaliya.
Sida uu HOL u sheegay wariye ku sugan magaalada Cadaado wafdiga waxaa
hogaaminaya wasiirka arimaha gudaha iyo federaalka C/raxmaan Max’ed Xusseen
Odawaa, oo ujeedada socdaalkooda lagu sheegay in xal u helida xiisada
siyaasadeed ee halkaa ka jirta.
Wafdiga ayaa lagu wadaa in ay iska arkaan ama kulamo la qaataan wasiirada
iyo xildhibaannada Galmudug, sidoo kalana waxaa ay kulamo la qaadan doonaan
odayaasha iyo waxgaradka deegaanka.
Odayaasha magaalada Cadaado ayaa ilaa maanta ku howlanaa dadaalo lagu
xalinayo xiisadda ka jirta magaalada Cadaado.
Maalintii shalay ayeey aheyd markii iska horimaadka ka dhacay degmada ku
dhinteen labo askari, waxaana iska horimaadkaa uu salka ku hayay kala
qeybsanaanta siyaasadeed ee ka jirta Cadaado.
C/raxmaan Diini, Hiiraan Online
[email protected]
