Talaado, Janaayo, 17, 2017 (HOL) –Wararka xiligan naga soo
gaaraya magaalada Cadaado ayaa sheegaya iska horimaad culus magaalada ku dhaxmaray ciidamo ka tirsan
nabad-sugida booliiska, kadib mariii ciidamada nabad-sugida weerar ku qaadeen
goob ay ku shiraan xildhibaannada ka soo horjeeda madaxweynaha Galmudug.
Sida aan Wararka ku heleyno ciidamada nabad sugida Glamudug
ayaa saakay weerar ku qaaday xarunta lagu magacaabo Badbaado oo ah halka ay
ku shiraan xildhibaanada Baralamaanka Galmudug ee dhawaan xilka ka qaaday madaxweynaha
maamulkaasi.
Hal askari oo ka tirsan ciidamada booliiska aya la sheegay
in uu ku dhaawacmay iska horimaadka, inkastoo warar kale sheegayaan in ay
dhimasho jirto.
Xiisada siyaasadeed e ka taagan mgaalada Cadaado ayaa hada u
muuqata mid gaartay heerkeedii ugu sareeyay, lamana oga sida saacadaha soo socda wax isku badali doonnaa..
Wixii warar ah ee ka soo kordha waan idin soo gudbin doonnaa…
C/raxmaan Diini, Hiiraan Online
[email protected]
