Akhriso magacyada xildhibaannada aqalka sare gobollada W/qooyi oo goor dhaw Muqdisho lagu doortay
Isniin, Janaayo, 16. 2017 (HOL) – Waxaa goor dhaw la soo
gabagabeeyay doorashada saddex kursi oo qeyb ka xildhibaannada aqalka sare ee
gobollada W/qooyi, waxaana ilaa iyo hadda ka harsan kuraasta aqalka sare ee
beelaha ka soo jeeda Soomaaliland labo kursi oo kaliya.
Hadaba Akhriso magacyada xildhibaannada ku soo baxay doorashada :
Kuriga hore waxaa ku soo baxay Ayuub Ismaaciil Yuusuf oo
helay 39 cod, waxaana uu ka guuleystay, Xusseen Ceelaabe Faajiye, Max’ed Aadan Waabari, iyo Axmed Cabdi
Faahiye.
Siddoo kale kursiga labaad waxaa ku guuleysatay Nuuro Faarax
Jaamac oo heshay codad gaaray 38 cod, waxaana ay Nuuro ka guuleysatay Cumar Ma’xed
Aadan iyo Caasho Axmed Cadalla.
Ugu danbeyntii kursiga saddexaad waxaa ku guuleysatay Deeqo
Xassan Xusseen oo heshay 24 cod, waxaana ay ka guuleysatay Hodan Abuukar Hassan
iyo Amran Cilmi Fariid.
Ugu danbeyntii, maalmaha soo socda ayaa la filayaa lagu
doorto magaalada Muqdisho labada kursi ee ka dhiman xildhibaannada aqalka sare
ee gobollada W/qooyi oo ka kooban 11 xubnood.
