Sarkaal ka badbaaday weerarkii Ceelcade oo ka hadlay tirada askarta Kenya laga dilay
Isniin, Janaayo, 16, 2017 (HOL) –Munaasabad lagu maamuusayay
sanad guuradii ka soo wareegtay weerarkii cuslaa ee Al-shabaab ay ku qaadeen
saldhig militari oo ay Kenya ku lahaayeen deegaanka Ceelcade ee gobolka Gedo,
ayaa waxaa ka qeyb-galay 400 oo qoys oo intooda badan lagu dilay weerarka dad ay
isku qoys ka soo jeedeen.
Munaasabada oo ka dhacday gudaha dalka Kenya ayaa sidoo kale waxaa ka
qeyb-gallay qaar kamid ah askartii ka badbaaday weerarkii sanad ka hor ka
dhacay saldhiga deegaanka Ceel-cadde.
Mid ka mid ah saraakiishii ka badbaday weerarka ayaa sheegay tirada askarta lagu
dilay deegaanka Ceel-cadde.
13 askari ayuu sheegay in Al-shabaab dagaalka ku qabteen iyaga oo nool,
halka 173 askarina ay ku dhinteen weerarka sida uu hadalka u dhigay sarkaalka.
Waa markii ugu horeysay oo xubno ka tirsan dowladda Kenya laga helaa xog la
xiriirta askarta kaga dhimatay weerarkii sanad ka hor Al-shabaab ka geysteen
deegaanka Ceel-Cadde.
Ugu danbeyntii, wararkii Ceelcade ayaa noqonaya kii ugu xumaa ee lagu
bartilmaameesado saldhig ay degan yihiin ciidamada qeybta ka ah howlgalka
midowga Africa,
C/raxmaan Diini, Hiiraan Online
[email protected]
