Doorashada xildhibaannada aqalka sare ee gobollada W/qooyi oo dib uga bilaabaneysa Muqdisho
Isniin, Janaayo, 16, 2017 (HOL) – Maanta ayaa lagu wadaa in
ay magaalada Muqdisho lagu qabto wajigii labaad doorashada xubnaha aqalka sare
ee gobollada W/qooyi oo todobaadyadii la soo dhaafayba hakad ku jirtay.
Saddax ka mid ah shanta kursiga ee dhiman xildhibaannada
aqalka sare ee gobollada W/qooyi ayaa la filayaa in maanta lagu doortay
magaalada Muqdisho.
Musharixiinta ayaa sidan ugu tartami doonna kuraasta :
Kursiga koowaad ee tartanka maanta ayaa waxaa ku loolamaya ilaa afar
musharax oo kala ah Xuseen Ceelaabe Faahiye, Maxamed Aadan Waaberi, Axmed Cabdi
Faahiye iyo Ayuub Ismaaciil Yuusuf.
Kursiga Labaad waxaa ku tartami doona.
Hodan Abuukar Xasan
Deeqo Xasan Xuseen
Amran cilmi fariid.
Kursiga Saddexaad waxaa ku tartami doona.
Cumar Maxamed Aadan
Nuuro Faarax Jaamac
Caasho Axmed Cabdalaahi.
Maalmihii ugu danbeeyayba waxaa hakad ku jiray doorashada
xubnaha aqalka sare ee gobollada W/qooyi kaddib markii uu soo ifbaxay khilaaf
salka ku haya sida beelaha ugu tartamayaan kuraasta, tasoo keentay mudo dheer
oo dib u dhac ah.
C/raxmaan Diini, Hiiraan Online
[email protected]