Prof Jawaari’’Howlaha baarlamaanka ayaa u xayiran xildhibaannada ka harsan gollaha shacabka
Isniin, Janaayo, 16,
2017 (HOL) – Guddoomiyaha baarlamaanka Soomaaliya Prof Max’ed Cismaan Jawaari
oo maalintii shalay ka hadlayay kulan uu guddoonka baarlamaanka la yeeshay guddiga
doorashada dadban ayaa sheegay in howlaha baarlamaanka hor yaala u xayiran
yihiin xildhibaannada wali harsan.
Guddoomiyaha ayaa sheegay in howlo muhiim ah oo ay ka mid
tahay doorashada madaxweynaha Jamhuuriyada ee afarta sanno ee soo socta laga
sugayo baarlamaanka, sidaa daraadeed looga baahan yahay gudiga doorashada
dadban in ay ku dhaqsadaan dhameystirka
xildhibaannada wali harsan.
Ilaa 7 xildhibaan
ayaa ka dhiman mudanayaasha gobollada W/qooyi, halka beelaha Banaadiriga
wali ku harsan yihiin doorashada labo
kursi iyo shan xildhibaan oo kuraastooda dib loogu noqonayo lagana soo dooran
doono xarumaha dowlad gobolleedyada dalka.
Guddoomiyaha baarlamaanka ayaa ka dalbaday gudiga doorashada
dadban in howlahan oo dhan lagu soo gabagabeeyo mudo todobo cisho ah.
Ugu danbeyntii, waxaa muuqata in doorashada madaxweynaha
Soomaaliya bishan ku qabsoomi karin, madaama todobaadyada nagu soo foolka la
gudagalin doono doorashada xildhibaannada wali harsan.
C/raxmaan Diini, Hiiraan Online
[email protected]
