Madaxweynaha Puntland oo ka hadlay abaarta ka jirta deegaannada uu maamulka ka arimiyo
Axad, Janaayo, 15, 2017 (HOL) – Madaxweynha dowlad gobolleedka Puntland C/wali Max’ed Cali Gaas ayaa dalbaday in loo gurmado dadka abaaraha saameeyeen ee ku sugan deegaanada Puntland.
Madaxweyne Gaas oo warbaahinta kula hadlay Garoowe, ayaa ka codsaday
shacabka ku dhaqan deegaanada maamulkaasi in ay u gurmadaan shacabka ku
tabaalaysan deegaanada Puntland.
Waxaa uu sheegay in marka laga soo tago dadka abaaraha ay saameeyeen
in ay jiraan dad kale oo ka barakacay deegaanada koofurta iyo bartamaha
Soomaaliya iyo dhulka Itoobiya kuwaasi oo gaaray deegaanada Puntland.
Maamulka Puntland ayuu hseegya in ay labo jibaari doonaan gurmadka ay u
fidinayaan dadka abaaraha kala duwan ku heystaan deegaanada maamulka Puntland.
Ugu danbeyntii, deegaanno dhowr ah oo ku yaalla gobolka Bari ayaa waxaa
gaaray dad badan oo kasoo barakacay gobolada waqooyiga iyo sidoo kale
qeybo ka mid ah dalka Itoobiya , waxaana dadkaasi haysta dhibaatooyin kala
duwan.
C/raxmaan Diini, Hiiraan Online
[email protected]