Axad, December, 31, 2017 (HOL) -Guddoomiye
ku-xigeenkii hore ee baarlamaanka dalka Kenya Faarax Macalin ayaa madaxda ugu sareysa dalka ka dalbaday in
ay xiraan Safaarada iyo Xarumaha Tababarka ee Imaaraadku ku leeyihiin magaalada
Muqdisho.
Bartiisa Twitter-ka ayuu soo dhigay Qoraal
kooban oo uu kaga dalbanayo madaxda ugu sareysa dalka in ay xiraan Saafarada
iyo Xarumaha UAE ku leeyihiin Muqdisho.
Faarax Macallin ayaa ku sheegay Twitter-kiisa ” Farmaajo iyo Kheyre,ka saara
Imaaraadka Muqdisho oo xira safaaraddooda”
Hadalka Faarax Macalin ayaa imanaya
xili maalintii shalay ciidamo la sheegay in ay ka amar qaataan weerar ku
qaadeen Guriga Senator Cabdi Xassan Cawaale Qeybdiid ciidamo la sheegay in ay
amar qaataan Imaaraadka Carabta.
Hasse ahaatee Wasiirka wasaaradda Warfaafinta xukuumadda Soomaaliya ayaa u
sheegay VOA in aysan jirin ciidamo dowlado kale leeyihiin oo ku sugan magaalada
Muqdisho.
Waxaa soo baxaya fikrado kala duwan oo ku aadan sidii ay dowlada Soomaaliya
u wajahi lahayd khilaafka siyaasadeed ee dalka ka jira, iyadoo haatan farta
lagu fiiqayo dowlada Imaaraadka Carabta inay ka dambeyso qalqalka siyaasadeed
ee haatan ka soo ifbaxaya dalka Soomaaliya.
C/raxmaan Diini, Hiiraan Online
[email protected]