Axad, December,
31, 2017 (HOL) - Waxaa sii xoogeysanaya dibadbaxyada isku
dhacyada wata ee dalkaasi Iiraan ka soconaya.
Muqaalo lagu baahiyay baraha bulshada ayaa muujinaya ugu yaraan 2 qof oo
lagu toogtay magaalada ku taalla galbeedka dalkaasi ee Dorud.
Magaalada Abhar, oo ku taalla waqooyiga dalkaasi dibad baxayayaasha ayaa
gubay tabeelo uu ku dhaganaa sawirka hogaamiyaha ruuxiga ee Iiraan , Ayatollah
Cali Khamenei.
Dibadbaxayayaasha ayaa sidoo kale magaalada Mashdad ku gubay gaari ay booliiska
leeyihiin iyo mooto.
Caasimadda Tehran, ayaa waxa ay dibad baxayaasha ay isgu soo baxeen
bartamaha magaaladaasi waxa ayna booliiska iyo militariga ay ugu baaqayeen in
ay ku soo biiraan.
Madaxwayne Trump ayaa bartiisa tweetarka ku qoray in xukumadaha wax
cadaadiya aysan sii waari doonin.
C/raxmaan Diini,
Hiiraan Online
[email protected]
