Cabdi Qeybdiid : Ciidamadii i soo weerarray waxaa la ii sheegay in ay ka amarqaadanayeen Imaaraadka
Sabti, December, 30, 2017 (HOL) – Senator Cabdi Xassan Cawaale Qeybdiid oo
shir jaraa’id ku qabtay Gurigiisa ayaa sheegay in ciidamadii Gurigiisa soo
weeraray loo sheegay in ay ka amar qaadanayeen Imaaraadka Carabta.
‘’ Markii uu falku dhacay waxaa uu soo wacay Ninka lagu magacaabo Saadiq Joon
oo ii sheegay in ciidamada Gurigeyga soo weeraray ka tirsanaayeen ciidamada uu
Imaaraadku tababaro ee ku sugan Muqdisho’’
ayuu yiri Senator CabdiQeybdiid.
CabdiQeybdiid ayaa intaa ku darray in uu ka maqnaa markii uu falka ka dhacayay
Guriga hasse ahaatee ay ciidamadu Qoryo ku qabteen sida uu hadalka u dhigay
Gabar uu dhalay iyo Xaaskiisa.
‘’Koley Annaga ciidamada dowladda
ayaa u aragnaa ciidamada soo gallay Guriga, waxaa halkan noogu yimid taliyaha
ciidamada xoogga dalka Soomaaliyeed oo sheegay in ay baarayaan falka dhacay’’
ayuu yiri CabdiQeydiid
Madaxweynaha dowladda Soomaaliya oo dhacdadan ka hadlay ayaa sheegay in uu
farayo laamaha ciidamada in ay si deg deg ah shariga loo horkeeno cid kasta oo
ka danbeysay weerarka guriga Senator Qeybdiid.
C/raxmaan Diini, Hiiraan Online
[email protected]
