Sabti, December, 30, 2017 (HOL) - Warar ay heleen sirdoonka Wadamada Yurub
ayaa muujinaya in Dowladda Ruushka ay Shidaal u dirtay Dalka Kuuriyada
Waqooyi,sida ay qortay Wakaaladad Wararka Reuters.
Waxaa wararku ay sheegayaan in Shidaalka Markab Ruush ah uu ku wareejiyay
markab kale oo ay leedahay mid Kuuriyada Waqooyi,sidaasina waxaa laga soo
xigtay ilo dhanka ammaanka ah ee Miyowga Yurub,waxaana loo arkaa Tallaabadanin
ay noqoneyso mid jabineysa cunaqabateynaha hay’adda Qaramada Midoobay ee
saaran Kuuriyada Waqooyi,kadib markii ay diiday in ay joojisay Gantaalada
Ridada Dheer.
Illo wareedyadan ayaa sidoo kale sheegay in sirdoonka ciidamadda badda iyo
sawiro lagu qaaday dayax gacameedka ay muujiyeen maraakiib ka howlgaleysay
dekaddaha Ruushka ee badda Pacifi-ga.
Wakaaladda Wararka Reuters ayaa sheegaysaa in illo wareedayadan aan loo heyn
cadeyn in xukuumada Ruushka ay ku luglahayd arrintaantalaabada lagu caawinayo
Waqooyiga Kuuriyta,iyadoo Milkiilaha midka mid ah maraakiibtaasi lagu eedeeyay
inuu shidaal geeeyay Kuuriyada Waqooyi, kaasi oo isna dhankiisa iska diiday
eedeymahaasi.
Marsii horeysay, ayaa waxaa soo baxay in Kuuriyada Kuunfureed ay qabatay
Markab ka diiwaan gashan Shiinaha, kaasi oo looga shakiyay in sidaan oo kale uu
shidaal u geeyay Kuuriyada Waqooyi.
Dhawaan ayaa Dowladda Kuuriyada Koonfureed waxaa ay qabatay markab looga
shakisanyahay in laga leeyahay Dalka SHiinaha Kaasi,la sheegay in uu shay u
waday Wadanka Kuuriyada Waqooyi.
C/raxmaan Diini, Hiiraan Online
[email protected]