Sabti, December, 23 2017 (HOL) – Ugu yaraan 10 ruux ayaa ku dhintay tiro ka
badana waa ku dhaawacantay kadib markii dagaal ka dhacay tuulada Qoriley oo
73Km. Koonfur Barri kaga quman magaalada Laascaanood xarunta gobolka Sool.
Dagaalkan oo u dhexeeya laba beelood
oo co;aad soo nonoqotay ka galaafatay dad badan degaan ahaana ka soo kala jeeda
degmooyinka Koonfurta Laascaanood iyo Burtinle, ayaa waxaa la sheegay in
maleeshiyo beeleed ka soo duushey dhica Burtinle ay maanta qabsadeen
magaaladaas.
"Waxaan ku war helay rasaasta
koonaha magaalada ka soo dhacaysa kadibna waan cararay oo wax la filayey ayay
ahayd horeyna dadka shacabka ahaa weligood deganaa waa ay ka qaxeen, waxba maan
xaqiijin karayn ee naftayda ayaan la cararay" sidaa waxa HOL u sheegay
Maxamuud Cali oo dadka degaankaasi ka mid ah.
Maxamuud waxa uu intaas ku daray
galabnimadii in ay ku rogaal celiyeen magaaladii oo ay ka saareen qoladii soo
duushey, "Cabdiwali Gaas ayaa soo diray oo Burtinle jooga gaadiidkoodiina
waa ka muuqanayey hadee cadaymana waa loo helaa"
Labada dhinacba waxaa ay sheeganayaan
in khasaare jiro oo dad ka dhintay waxase isku soo xoorinteeda la sheegayaa 11
labada dhinac ah, waxana weli aan la hubin gabagabada dhabta ah iyadoo goobta
dagaalku ka dhacay tahay dhulaka Hawdka loo yaqaan.
Shan maalmood ayaa laga joogaa
markii labada beeelood dagaal khasaaraha kan isu dhigmaan uu ku dhex maray
Gunburka Cagaare, kaas oo haatan loo diyaar garoobayey sidii wax looga
qaban lahaa, hase yeeshee mashaqo kale ayaa maanta ka daba timid.
Madaxweynaha Puntland ayaa shalay ku
dhawaaqay in dagaalka la joojiyo wixii dhibayana inay wax ka qabanayaan balan
qaaday, waxana dadku si feejigan u dhawrayaan talaabada xigta ee uu ka qaado,
maadaama beeshiisa ay ahaayeen ciidanka maanta galay Qoriley.
Seynab Cabdi Warsame
[email protected]
Laascaanood
