Sabti, December, 23, 2017 (HOL) -Madaafiic loo adeegsaday Qoriga hoobiyaha
goor dhaw oo maanta ah waxaa ay ku dhaceen agagaarka xarunta madaxtooyada,
iyadoo madaafiicda qaar jugtooda laga maqlayay xaafado ka tirsan magaalada
Muqdisho.
Goobjoogayaal ayaa warbaahinta u sheegaya in illaa saddex madfac ay ku soo
dhaceen agagaarka 15 May iyo caga-dhiig oo u dhow Madaxtooyada.
Ilaa iyo hadda la sheegin wax khasaare ah oo ka dhashay madaafiicda, iyadoo
dadka deegaanka ee ku noolaa xaafada madaafiicda ku soo dhaceen argagax iyo
cabsi la soo deristay.
Al-Shabaab ayaa ayaa markiiba sheegatay weerarka madaafiicda loo adeegsaday
ee lagu tuuray Madaxtooyada, waxaana warbaahinta afkooda ku hadlay ay sheegeen
in 8 madfac ku weerareen.
Ma jirto wax war ah oo ka soo baxay laamaha ammaanka oo ku aadan madaafiicda
ku soo dhacay xaafado ku dhow dhow Madaxtooyada.
C/raxmaan Diini, Hiiraan Online
[email protected]
