Saraakiisha Kenya oo sheegay in Al-shabaab diyaariyeen qorshayaal cusub oo sir doon
Sabti, December, 23, 2017 (HOL) - Saraakisha
ciidamada Kenya ayaa sheegay in xoogagga Al-Shabaab ay dajiyeen qorsheyaal
halis ah oo dhanka Sirdoonka ah,sida laga soo xigtay saraakiil ka tirsan Sirdoonka
Kenya.
Joseph Kanyiri oo ka mid ah saraakiisha Kenya ayaa sheegay in Al-shabaab ay diyaariyeen
haween sida uu hadalka u dhigay ay geyn doonaan gobollada Soomaalidu degto ee Waqooyi Bari Kenya.
Joseph Kanyiri ayaa intaa ku daray in haweenka ka tirsan Al-shabaab loogu
talagalay in ay xiriir saaxiibtimo la yeeshaan ciidamada Kenya si ay u helaan xog
dhanka sirdoonka la xiriirta.
Sargaalkaan u hadlay ciidamada Kenya wuxuu sheegay in Horay Al-shabaab ay
Talaabadaan oo kale sameeyeen islamarkaana ay dumar u adeegsadeen basaasnimo si
ay gudaha Kenya xog uga helaan.
Al-shabaab ayaa weeraro isugu jira Qaraxyo iyo mid toos ah intaba ka geystay
gobolka Waqooyi Bari Kenya,waxaana kii ugu saameynta badnaa uu ahaa weerarkii
ka dhacay Jaamacadda Magaalada Gaarsisa 2015.
C/raxmaan Diini, Hiiraan Online
[email protected]