Sabti, December, 23, 2017 (HOL) - Wasiirka
wasaaradda duulista hawadda Xukuumadda Soomaaliya Maxamed Cabdullaahi Salaad
Omaar ayaa sheegay in dowladda Soomaaliya ay ku jirto dadaalkii ugu dambeeyay
ee ay kula soo wareegayso hawadda.
Wasiirka oo ku sugan dalka Canada,
waxaana uu sheegay Labo todobaad kaddib in la soo wareejin doono Hawadda
Soomaaliya oo hadda laga maamulo dalka Kenya.
Wasiir Omaar ayaa tilmaamay in 28-da bishaan la qaban doono munaasabad lagu soo
bandhigaayo qalabka cusub ee hawadda Soomaaliya.
Sidoo kale waxaa uu sheegay in hadda ay jiraan Shaqaallo Ajnabi oo ka sii howl
bilaabi doono Muqdisho marka las oo wareejiyo, maadaama aysan jirin Shaqaalle
Soomaaliyeed oo leh Aqoonta qalabkaasi.
Soo wareejinta Hawadda Soomaaliya ayuu ku timaamay Wasiir Omaar in ay tahay
horumar weyn oo ay gaartay dowladda.
Wasaaradda Gaadiidka iyo duulista Hawadda ayaa bilihii lasoo dhaafay waday
dadaallo xooggan oo ku aadan soo gacan gelinta Hawadda Soomaaliya.
C/raxmaan Diini, Hiiraan Online
[email protected]
