Arbaco, December, 20, 2017 (HOL) – Dalka Jabuuti waxaa ka furmay Shirka
Madasha Aragti wadaagga Soomaalida, kaasi oo looga hadlayo Arrimaha Siyaasadda,
Bulshada, Dhaqaalaha iyo wax-yaabo kale.
Shirkan oo ay marti gelisay Dowladda Jabuuti ayaa waxaa soo qaban qaabiyay
qeybaha bulshada ee geeska Afrika, Qurba-Joog, Aqoonyahano, iyo Mas’uuliyiin
tirsan maamulada Soomaalida ah ee dalka Jabuuti.
Shirkan ayaa noqonaya mid Sanadle ah waxaana isugu imaanaya, dadka
Soomaaliyeed ee ku nool daafaha caalamka oo ay ka mid yihiin dalalka Kenya,
Itoobiya, Soomaaliya, iyo dalalka caalamka.
Mausuliyiinta Shirkan ka qeyb galeysa ayaa waxaa ka mid ah Wasiirka Qorsheynta
Soomaaliya Jamaal Xassan Maxamed, wuxuuna sheegay shirkan uu ku soo bandhigi
doono Mowqifka Dowladda, Hiigsiga Fog iyo Midka Dhow, Qorshaha Dowladda iyo Arrimo
kale.
Shirkan oo ay joogaan Siyaasiyiin kala duwan oo ka kala yimid deegaano kala
duwan, hadana ma ahan mid Siyaasadeed, waxaana laga sugayaa talooyin fara badan
oo la xiriira arrimaha Soomaaliya.
C/raxmaan Diini, Hiiraan Online
[email protected]
