Talaado, December, 19, 2017 (HOL) - Ugu yaraan 10 ruux
ayaa la sheegay in ay ku dhinteen tiro ka badana ay dhaawacmeen
kadib markii gelinkii danbe ee maanta uu dagaal ka dhacay degaanka
Cagaare oo u dhexeeya degmooyinka Burtinle G Nugaal iyo Laascaanood xarunta G
Sool.
Dagaalkan oo u dhexeeya laba beelood oo deris wadaag ah, kuwaas oo mudooyin
badan dagaalo dadbadan salfaday ay labada beelood ku dhex mareen.
"Waxaa tuulada ka bilaabmay dagaal, runtii ma sheegi karo cida duulaanka
bilawday waxanse hubaa in ay dadbadan dhinteen" sidaa HOL waxaa u
sheegay nin reer guuraa ah oo deganaa meel u muuqata tuulada.
Xidhiidh aan la samaynay labada dhinac ayaan suuragal ahayn in wax laga ogaado
maadaama uu weli dagaal ka dhacayo dagaal gogoos ah.
dadka dhintay oo la sheegay in uu toban ruux gaadhayo oo ka tirsan labada
dhinac ee dagaalamayey.
Gurmad xoogan ayaa ka sicinaya labada dhinac, kuwaas oo Ku sii qulqulaya
deegaanka dagaalku ka socdo oo ahayd tuulo dagaal soo noqnoqday hadheeyey
oo ahayd waqtigan mid ay ku yar yihiin dadka
rayidka ah.
Ma muuqato wax dhaqdhaqaaq ah oo sidii colaada loo joojinlahaa iyadoo dalad
deganka Itopia at dhawr jeer oo hore wax ka qabatay go'aano adagna
dhex dhigay balse aan noqon mid sheqeeya.
Seynab Cabdi Warsame
seynab@hiiraan. com
Laascaanood G Sool