Warar ku saabsan dagaal gobolka Hiiraan ku dhaxmaray ciidamo ka tirsan Itoobiya iyo Al-shabaab
Talaado, December, 19, 2017 (HOL) – Xaalada deegaannadii
ay maalintii shalay ku dagaalameen ciidamada Itoobiya iyo Al-shabaab ee gobolka
Hiiraan ayaa degan sida ay inoo xaqiijiyeen dadka deegaanka.
Dagaalka ayaa ka dhacay meel u dhaw
deegaanka Ceelgaal oo qiyaastii 17km
dhinaca waqooyi kaga beegan magaalada Beledweyne.
Dagaalka ayaa dhacay kaddib markii xoogag ka tirsan
Al-shabaab waddada u galleen ciidamo ka tirsan kuwa Itoobiya ee qeybta ka ah
howlgalka midowga Africa AMISOM.
Lama oga khasaaraha ka dhashay dagaalka, balse wararka ayaa sheegaya in
dadki deganaa deegaannada u dhaw halka dagaalku ka dhacay ay ka carrareen
guryahdooda, sababo la xiriira cabsi dhinaca amnigooda ah.
Saraakiisha ciidamada dowladda ee ku sugan gobolka
Hiiraan ayaa horay u sheegay in qeybo ka mid ah gobolka soo galleen dagaalayaal
ka tirsan Al-shabaab ka soo firxad ka ah duqeymaha diyaaradaha Mareykanka ee
Koonfurta Soomaaliya.
Maamulka gobolka Hiiraan kama uusan hadlin dhinaciisa dagaal shalay ku
dhaxmaray gobolka Hiiraan ciidamada Itoobiya iyo Al-shabaab.
C/raxmaan Diini, Hiiraan Online
[email protected]
