Talaado, December, 19, 2017 (HOL) – Wararka naga soo gaaraya degmada Baraawe
ee gobolka Shabeellaha Hoose ayaa sheegaya koox hubeysan xalay halkaa ku dileen
Nabadoon siweyn looga garanayay degmada.
Dadka ku sugan degmada ayaa sheegaya in koox hubeysan Nabadoon Gurigiisa ugu
tageen, iyagoo dilka kaddib halkaa isaga baxsadeen.
Gudoomiye ku xigeenka dhanka ammaanka degmada Baraawe Bashiir Maxamed Yuusuf
oo la hadlay warbaahinta, ayaa wuxuu sheegay in rag Al-shabaab ka tirsan ay dileen nabadoonka oo
magaciisa lagu Maxamed Aadan oo ku magac dheer (Caamir Muuse).
Ragga dilka gaystay ayuu sheegay in ay magaalada meel ka baxsan ay ka
yimaadeen, kadibna markii ay dileen nabadoonkaasi ay carareen.
Ciidamada dowladda ayaa la sheegay in ragga dilka geystay isku rasaaseeyeen
meel dulleedka ka ah degmada Baraawe, hasse ahaatee lama sheegin cid loo qabtay
dilka nabadoonka.
C/raxmaan Diini, Hiiraan Online
[email protected]
