Kenya oo dalbaneysa in wadahadal lagu dhameeyo muranka Badda ee kala dhaxeeya Soomaaliya
Talaado, December, 19, 2017 (HOL) – Dowladda Kenya ayaa Maxkamadda Caalamiga
ah ee Cadaaladda u gudbisay Jawaabteedii dacwaddii muranka Badda ee dowladda
Soomaliya ay ug gudbisay maxkamadda Sanadkii 2015.
War Qaraal ah oo uu soo saaray Xeer ilaaliyaha guud ee Kenya Githu
Muigai ayuu ku sheegay in Meesha ay Kenya ka taagan tahay dacwaddii Badda ay
tahay sideedii islamarkaan ay jawaabtooda ku xuseen in muranka Badda ee u dhexeeya
Soomaaliya Kenya lagu xaliyo Wada- hadal.
“ Meesha aan Dacwadda ka taaganahay waxay ku qoran tahay sharciga Badaha ee
QM iyo Go’aano kale oo madaxda wadamadda Midowga Africa ay qaateen 1964tii” ayuu
Githu Muigai ku sheegay warka ka soo baxay xafiiskiisa oo lagu daabacay
Wargeeyska Daily Nation ee Kenya ka soo
baxa.
Maxkamadda The Hague ayaa la filayaa in ay Sheegto Qaabka Dacwadda looga
hadlo bilowga Sanadka 2018.
Dowladda Soomaaliya ayaa Dacwadda ka dhan ah Dowladda Kenya oo kasoo
gudubtay Xuduud Badeedkii Soomaaliya iyo Kenya u gudbisay The Hague Bishii July
13 keedii 2015.
Masaafadda Badda ee lagu muransanyahay 100,000 oo labajibaaran, waxaana ku
yaalla Lix Meelood oo Saliid laga bilaaabay in Saliid laga Qodo, Dolwadda
Soomaaliya ayaa ku Doodeeysa in Kenya ay Masaafo dheer ka soo durugtay meelii
uu ahaa Xuduud Badeedkii Saxda ahaa ee Soomaaliya iyo Kenya.
Dowladda Soomaaliya ayaa Doodeeda waxay ku-saleeysay Qodobadda 15,74 iyo 83
aad ee Sharciga Badaha ee QM ee lasoo saaray 1982.
Dowladda Kenya ayaa Doodeeda ku saleeyneeysa Hishiis Isfahan ah oo Labada
Dowladood ay gaareen 2009 kii.
C/raxmaan Diini, Hiiraan Online
[email protected]
