Raila Odinga oo maxkamada sare geynaya dacwad ka dhan ah doorashadii dhawaan dhacday ee dalka Kenya
Arbaco, Augusto, 16, 2017 (HOL) - Raila Odinga
hogaamiyaha mucaaradka dalka Kenya ee dhawaan looga guuleystay doorashadii
madaxtinimada Kenya ayaa ku dhawaaqay in uu maxkamadda ugu sareysa dalkaas uu
la aadi doono dacwad ka dhan ah natiijadii doorashada madaxtinimada Kenya ee
todobaadkii hore lagu dhawaaqay.
Raila Odinga oo shir jaraa’id qabtay maanta ayaa
sheegay in doorashadii dhacday 8-dii bishan loogu shubtay Uhuru Kenyatta oo dib
dambe loo doortay.
Xisbiga Odinga ee NASA ayaa horay u sheegay in aysan aadi
doonin maxkamadda, balse Odinga ayaa maanta sheegay in go'aankaasi ay qaateen
kadib markii ay arkeen ''sida ay dowladda ugu caga-jugleyneysa hay'addaha aan
dowliga ahayn ee doonayay in ay maxkamadda geeyaan dacwad ka dhan natiijada
doorashada.’’
Raila ayaa horay ugu gacan seyray natiijadii horu dhaca
aheyd ee aheyd, isagoo tilmaamay in la jabsaday nidaamkii codeynta ee
Computer-ada, isla markaana ay dhacday ku shubasho.
Kormeerayaashii caalamiga ee la socday doorashada ayaa
dhowaan sheegay in doorashada Kenya ay u dhacday si cadaalad oo lagu kalsoonaan
karo, iyagoo ammaanay Guddiga doorashooyinka.
C/raxmaan
Diini, Hiiraan Online
[email protected]
