8/20/2017
Today from Hiiraan Online:  _
Wararka Maanta- Axad, Oct 2 , 2016
DAAWO: Duubabka-dhaqanka iyo wafdi ka socda XF Soomaaliya oo kulan ku yeeshay Baladweyne


Axad, Oktoobar 02, 2016 (HOL) — Warar kala duwan, ayaa ka soo baxaya kulan maanta Dhax-maray wafdi uu horkacayay ra'iisal wasaare ku-xigeenka Xukuumadda Federaalka Somalia, Maxamed Cumar Carte oo maalintii shalay gaaray magaalada Beledweyne  iyo duubabka dhaqanka uu horkacayo Ugaas Xasan Ugaas Khaliif.

Kulanka oo Warbaahintu Dibad-joog ka ahayd ayaa markuu soo dhamaaday Afhayeenka Xukuumada Soomaaliya, C/casiis Cabdi Xaaji Goob-doon oo warbaahinta la hadlay ayaa sheegay in wafdiga Xukuumadda Somalia iyo duubabka dhaqanka ka wada-hadlleen sidii mar kale dib loogu furi lahaa Wadahadallada la Xiriira arintan qorshaha dhismaha maamulka labada gobol oo sidda uu hadalka u dhigay ay aqbaleen duubabka dhaqanka gobolka Hiiraan. Laakiin, marka laga soo tago hadalka Afhayeenka, ilo xog-ogaal ah oo goob joog ka ahaa kulanka ayaa u sheegay HOL in duubabka dhaqanka oo ugu horeeyo Ugaas Xasan Ugaas Khaliif ay u soo jeediyeen wafdigii ka socday xukuumada in marka hore la xiro shirka ka socda degmada Jowhar, kaddibna la isku soo laabto wixii Wadahadal ah ee la xiriira ka Qayb-galka Nidaamka Federaalism-ka Gobolka Hiiraan, iyagoo dhinaca kale ku baaqay in laga wada Qayb-galo is-beddelka Dowladnimo ee dhawaan la filayo in la guda-gallo.

Ugu dambeyn, Wafdigaan ayaa Galabta ka Ambabaxay Beledweyne, iyagoo dib ugu laabtay Magaalada Muqdisho

C/raxmaan Diini, Hiiraan Online
[email protected]
Beledweyne, Soomaaliya





Post your comments

10/2/2016 11:24 AM EST
Axad, Oktoobar 02, 2016 (HOL) — Isbahaysiga Xisbiyada Siyaasadeed ee Somalia, ayaa kulan ay ku yeesheen Muqdisho kazoo saaray war-saxaafadeed ay kaga hadleen xaaladda dalka iyo dib u dhigidda Doorashooyinka sannadkan 2016-ka dhacaya.

10/2/2016 10:55 AM EST
Axad, Oktoobar 02, 2016 (HOL) — Magaalada Burco ee Xarunta Gobolka Togdheer, ayaa la sheegay inay baryahan dambe kusoo badanayaan dhallinyaro habeenkii jidadka dadka ku baadha isla markaanka shacabku ka cawdaan.

10/2/2016 7:58 AM EST
Axad, Oktoobar 02, 2016 (HOL) — Hay'ada culumada Soomaaliyeed ayaa maanta walaac ka muujisay qoondada 30% ah ee Haweenka ay ku leeyihiin hay’adaha dastuuriga ee Dowladda Federaalka Somalia, gaara haan Saamiga kuraasta Baarlamaanka la dhisi doono dhawaan.

10/2/2016 5:22 AM EST
Axad, Oktoobar 02, 2016 (HOL)-Ku-xigeenka taliyaha ciidamada AMISOM, Mohammedesha Zeyinu ayaa Soomaaliya qeybo ka tirsan booqday.

10/2/2016 4:17 AM EST
Axad, Oktoobar 02, 2016 (HOL) — Madaxweynaha Maamulka Khaatumo Cali Khaliif Galeydh, ayaa sheegay inay ka baxayaan wadahadalka ay kula jiraan Somaliland, haddii aysan joojin fara-gelin iyo kala qaybin uu sheegay inay ka dhex-wadaan shacabka Khaatumo.

10/2/2016 4:04 AM EST
Axad, Oktoobar 02, 2016 (HOL) — Guddoomiyaha Gobolka Banaadir, Yuusuf Xuseen Jimcaale ayaa amray in la furo waddooyinka lagu xirtay dhagaxaanta ee ku yaalla magaalada Muqdisho.

10/2/2016 3:44 AM EST
Axad, Oktoobar 02, 2016 (HOL)-Madaxa nabad sugida ayaa doonaya in uu xilka ka qaado 1,500 ka tirsan nabad sugida Soomaaliya maadaama falalka amni darro ay kusoo badanayaan dalka.

10/2/2016 2:21 AM EST
Axad, Oktobar 02, 2016 (HOL)-Waxay xalay loo dabbaal dagay sannad guuradii 3aad ee kasoo wareegatay markii la aasaasay matxafka dhaqanka Soomaalida ee Minnesota.