10/17/2017
Today from Hiiraan Online:  _
Wararka Maanta- Axad, Oct 2 , 2016
Ku-xigeenka taliyaha ciidamada AMISOM oo Soomaaliya qeybo ka tirsan booqday


Axad, Oktoobar 02, 2016 (HOL)-Ku-xigeenka taliyaha ciidamada AMISOM, Mohammedesha Zeyinu ayaa Soomaaliya qeybo ka tirsan booqday.

Wuxuu xilkaa Mohammedesha Zeyinu hayay muddo ka badan hal sano iyo bar.  Horay wuxuu u heyn jiray xilka hawlgalada iyo qorsheynta ee AMISOM.

Xaflad muddo gaaban gudaheed lagu qabtay xarunta AMISOM ee Muqdisho ayaa waxaa kala soo qeyb galay Mohammedesha Zeyinu taliyaha AMISOM Cusmaan Subagle iyo Jeneraal Nakibus Lakara oo AMISOM u qaabilsan Taageerada iyo Tasiilaadka iyo waliba saraakiil kale oo sarsare oo ka tirsan AMISOM.

“Waxaan ku faraxsanahay inaan hawlgalkaan ka qeyb qaatay. Waa hawl gal Afrikaan waxaana ka helay khibrad badan la shaqeynta walaalahayga Afrikaanka ah'. Sidaa ayuu yiri Mohammedesha Zeyinu.

'Waxaanu kala baranay khibrado  waxaana og nahay awoodeena ka Afrikaan ahaan waxa loo baahan yahayna waa in aan samayno oo maareyno hawl galo noocaa oo kale ah'. Mohammedesha Zeyinu intaana waa uu raaciyay.

Sidoo kale taliyaha AMISOM Cusmaan Subagle ayaa ku ammaanay Mohammedesha Zeyinu gacantii uu ka geystay soo celinta ammaanka Soomaaliya.

Aaden M Warsame
Hiiraan Online
[email protected]





Post your comments

10/2/2016 12:18 PM EST
Axad, Oktoobar 02, 2016 (HOL) — Warar kala duwan, ayaa ka soo baxaya kulan maanta Dhax-maray wafdi uu horkacayay ra'iisal wasaare ku-xigeenka Xukuumadda Federaalka Somalia, Maxamed Cumar Carte oo maalintii shalay gaaray magaalada Beledweyne iyo duubabka dhaqanka uu horkacayo Ugaas Xasan Ugaas Khaliif.

10/2/2016 11:24 AM EST
Axad, Oktoobar 02, 2016 (HOL) — Isbahaysiga Xisbiyada Siyaasadeed ee Somalia, ayaa kulan ay ku yeesheen Muqdisho kazoo saaray war-saxaafadeed ay kaga hadleen xaaladda dalka iyo dib u dhigidda Doorashooyinka sannadkan 2016-ka dhacaya.

10/2/2016 10:55 AM EST
Axad, Oktoobar 02, 2016 (HOL) — Magaalada Burco ee Xarunta Gobolka Togdheer, ayaa la sheegay inay baryahan dambe kusoo badanayaan dhallinyaro habeenkii jidadka dadka ku baadha isla markaanka shacabku ka cawdaan.

10/2/2016 7:58 AM EST
Axad, Oktoobar 02, 2016 (HOL) — Hay'ada culumada Soomaaliyeed ayaa maanta walaac ka muujisay qoondada 30% ah ee Haweenka ay ku leeyihiin hay’adaha dastuuriga ee Dowladda Federaalka Somalia, gaara haan Saamiga kuraasta Baarlamaanka la dhisi doono dhawaan.

10/2/2016 4:17 AM EST
Axad, Oktoobar 02, 2016 (HOL) — Madaxweynaha Maamulka Khaatumo Cali Khaliif Galeydh, ayaa sheegay inay ka baxayaan wadahadalka ay kula jiraan Somaliland, haddii aysan joojin fara-gelin iyo kala qaybin uu sheegay inay ka dhex-wadaan shacabka Khaatumo.

10/2/2016 4:04 AM EST
Axad, Oktoobar 02, 2016 (HOL) — Guddoomiyaha Gobolka Banaadir, Yuusuf Xuseen Jimcaale ayaa amray in la furo waddooyinka lagu xirtay dhagaxaanta ee ku yaalla magaalada Muqdisho.

10/2/2016 3:44 AM EST
Axad, Oktoobar 02, 2016 (HOL)-Madaxa nabad sugida ayaa doonaya in uu xilka ka qaado 1,500 ka tirsan nabad sugida Soomaaliya maadaama falalka amni darro ay kusoo badanayaan dalka.

10/2/2016 2:21 AM EST
Axad, Oktobar 02, 2016 (HOL)-Waxay xalay loo dabbaal dagay sannad guuradii 3aad ee kasoo wareegatay markii la aasaasay matxafka dhaqanka Soomaalida ee Minnesota.