8/20/2017
Today from Hiiraan Online:  _
Wararka Maanta- Axad, Oct 2 , 2016
DUQA MUQDISHO: Waa Muhiim in la Furo Gabi ahaan Waddooyinka lagu Xirtay Dhagaxaanta



Axad, Oktoobar 02, 2016 (HOL) — Guddoomiyaha Gobolka Banaadir, Yuusuf Xuseen Jimcaale ayaa amray in la furo waddooyinka lagu xirtay dhagaxaanta ee ku yaalla magaalada Muqdisho.

Duqa Muqdisho ayaa sheegay inaysan ogolaan doonin xirnaanshaha qaar ka mid ah waddooyinka muhiimka ah ee Caasimadda, isagoo ugu baaqay cid kasta oo ay waddo u xiran tahay inay furto.

“Runtii waa mid dhibaato weyn leh in cid walba ay dhagax ku xirato jidadka waaweyn ee Muqdisho. Dhagax walba ma ceinayo Amni ma sugo, waxaana rabaa in la qaado dhammaan waddooyinka dhagxaanta lagu xiray,” ayuu ku yiri hadalkiisa.

Sidoo kale, Yuusuf Jimcaale ayaa sheegay in caasimaddu ay ciriiri gashay, kaddib markii ay soo kordheen waddooyinka dagaxaanta iyo carrada lagu xiranayo, isla markaana gaadiidka qaar ay mari la’yihiin.

Dhanaka kale, Shacabka ku nool Muqdisho ayaa dhawaanahan si weyn uga cabanayay waddooyinka xiran, iyadoo dhawr jeer laga dalbady hay’adaha ay u xiran yihiin waddooyinka qaar inay furaan waddooyinka, balse weli laguma guuleysan.

Ugu dambeyn, Duqii hore ee Muqdisho, Muun-gaab ayaa horay isugu dayay inuu waddooyinka xiran furo, taasoo muran siyaasadeed xooggan dhalisay, lamana oga sida uu ku fuli doono amarka cusub ee guddoomiyaha gobolka Banaadir ahan Duqa Muqdisho uu soo saaray.

Maxamed X. Xuseen, Hiiraan Online
[email protected]
Muqdisho, Soomaaliya





Post your comments

10/2/2016 12:18 PM EST
Axad, Oktoobar 02, 2016 (HOL) — Warar kala duwan, ayaa ka soo baxaya kulan maanta Dhax-maray wafdi uu horkacayay ra'iisal wasaare ku-xigeenka Xukuumadda Federaalka Somalia, Maxamed Cumar Carte oo maalintii shalay gaaray magaalada Beledweyne iyo duubabka dhaqanka uu horkacayo Ugaas Xasan Ugaas Khaliif.

10/2/2016 11:24 AM EST
Axad, Oktoobar 02, 2016 (HOL) — Isbahaysiga Xisbiyada Siyaasadeed ee Somalia, ayaa kulan ay ku yeesheen Muqdisho kazoo saaray war-saxaafadeed ay kaga hadleen xaaladda dalka iyo dib u dhigidda Doorashooyinka sannadkan 2016-ka dhacaya.

10/2/2016 10:55 AM EST
Axad, Oktoobar 02, 2016 (HOL) — Magaalada Burco ee Xarunta Gobolka Togdheer, ayaa la sheegay inay baryahan dambe kusoo badanayaan dhallinyaro habeenkii jidadka dadka ku baadha isla markaanka shacabku ka cawdaan.

10/2/2016 7:58 AM EST
Axad, Oktoobar 02, 2016 (HOL) — Hay'ada culumada Soomaaliyeed ayaa maanta walaac ka muujisay qoondada 30% ah ee Haweenka ay ku leeyihiin hay’adaha dastuuriga ee Dowladda Federaalka Somalia, gaara haan Saamiga kuraasta Baarlamaanka la dhisi doono dhawaan.

10/2/2016 5:22 AM EST
Axad, Oktoobar 02, 2016 (HOL)-Ku-xigeenka taliyaha ciidamada AMISOM, Mohammedesha Zeyinu ayaa Soomaaliya qeybo ka tirsan booqday.

10/2/2016 4:17 AM EST
Axad, Oktoobar 02, 2016 (HOL) — Madaxweynaha Maamulka Khaatumo Cali Khaliif Galeydh, ayaa sheegay inay ka baxayaan wadahadalka ay kula jiraan Somaliland, haddii aysan joojin fara-gelin iyo kala qaybin uu sheegay inay ka dhex-wadaan shacabka Khaatumo.

10/2/2016 3:44 AM EST
Axad, Oktoobar 02, 2016 (HOL)-Madaxa nabad sugida ayaa doonaya in uu xilka ka qaado 1,500 ka tirsan nabad sugida Soomaaliya maadaama falalka amni darro ay kusoo badanayaan dalka.

10/2/2016 2:21 AM EST
Axad, Oktobar 02, 2016 (HOL)-Waxay xalay loo dabbaal dagay sannad guuradii 3aad ee kasoo wareegatay markii la aasaasay matxafka dhaqanka Soomaalida ee Minnesota.