8/23/2017
Today from Hiiraan Online:  _
Wararka Maanta- Axad, Oct 2 , 2016
Muqdisho: 1500 sargaal oo ka tirsan nabad sugida oo laga dalbaday in ay boosaskooda banneeyaan


Axad, Oktoobar 02, 2016 (HOL)-Madaxa nabad sugida ayaa doonaya in uu xilka ka qaado 1,500 ka tirsan nabad sugida Soomaaliya maadaama falalka amni darro ay kusoo badanayaan dalka.

Waxaa shalay warbaahintu heshay in Jeneraal C/Laahi Gaafow uu qorsheynaayo inuu xilka ka qaado saraakiishaa. Waxaa wararku intaa ku darayaan inuu shaaciyay mar hore in la doonayo in ay is casilaan.

Jeneraal C/Laahi Gaafow ayaa ku eedeeyay xubnahaa ka tirsan laamaha ammaanka in ay gabeen waajibaadkoodii.

Wuxuu sheegay inuu damacsan yahay inuu dib u soo nooleeyo hoggaanka hayada ammaanka sidaa darteedna uu damacsan yahay inuu keeno saraakiil cusub oo hawl kar ah kuwaasoo sida uu sheegay ka adkaan doona jabhada Al-Shabaab.

C/Xakiim Farey, taliyihii hayada nabad sugida ee Muqdisho ayaa noqday sargaalkii ugu dambeeyay ee xilka laga qaaday.

Jeneraal C/Laahi Gaafow ayaa wacad ku maray in uu furi doono bog cusub marka laga hadlaayo shaqada hayada nabad sugida.

Si kastaba ha ahaatee waxaa wali sii socda qaraxyadii ayadoo shalay xataa gaari waxyaabaha qarxa laga soo buuxshay lala eegtay maqaaxida Blue Sky, gudaha Muqdisho halkaa oo dhawr qof ku dhinteen.

Xarakada al-Shabaab ayaa ku hanjabtay in weeraro badan ay qaadi doonto xilliga doorashooyinka ee sanadkaan.

Aaden M Warsame
Hiiraan Online
warsame@hiiraan.com





Post your comments

10/2/2016 12:18 PM EST
Axad, Oktoobar 02, 2016 (HOL) — Warar kala duwan, ayaa ka soo baxaya kulan maanta Dhax-maray wafdi uu horkacayay ra'iisal wasaare ku-xigeenka Xukuumadda Federaalka Somalia, Maxamed Cumar Carte oo maalintii shalay gaaray magaalada Beledweyne iyo duubabka dhaqanka uu horkacayo Ugaas Xasan Ugaas Khaliif.

10/2/2016 11:24 AM EST
Axad, Oktoobar 02, 2016 (HOL) — Isbahaysiga Xisbiyada Siyaasadeed ee Somalia, ayaa kulan ay ku yeesheen Muqdisho kazoo saaray war-saxaafadeed ay kaga hadleen xaaladda dalka iyo dib u dhigidda Doorashooyinka sannadkan 2016-ka dhacaya.

10/2/2016 10:55 AM EST
Axad, Oktoobar 02, 2016 (HOL) — Magaalada Burco ee Xarunta Gobolka Togdheer, ayaa la sheegay inay baryahan dambe kusoo badanayaan dhallinyaro habeenkii jidadka dadka ku baadha isla markaanka shacabku ka cawdaan.

10/2/2016 7:58 AM EST
Axad, Oktoobar 02, 2016 (HOL) — Hay'ada culumada Soomaaliyeed ayaa maanta walaac ka muujisay qoondada 30% ah ee Haweenka ay ku leeyihiin hay’adaha dastuuriga ee Dowladda Federaalka Somalia, gaara haan Saamiga kuraasta Baarlamaanka la dhisi doono dhawaan.

10/2/2016 5:22 AM EST
Axad, Oktoobar 02, 2016 (HOL)-Ku-xigeenka taliyaha ciidamada AMISOM, Mohammedesha Zeyinu ayaa Soomaaliya qeybo ka tirsan booqday.

10/2/2016 4:17 AM EST
Axad, Oktoobar 02, 2016 (HOL) — Madaxweynaha Maamulka Khaatumo Cali Khaliif Galeydh, ayaa sheegay inay ka baxayaan wadahadalka ay kula jiraan Somaliland, haddii aysan joojin fara-gelin iyo kala qaybin uu sheegay inay ka dhex-wadaan shacabka Khaatumo.

10/2/2016 4:04 AM EST
Axad, Oktoobar 02, 2016 (HOL) — Guddoomiyaha Gobolka Banaadir, Yuusuf Xuseen Jimcaale ayaa amray in la furo waddooyinka lagu xirtay dhagaxaanta ee ku yaalla magaalada Muqdisho.

10/2/2016 2:21 AM EST
Axad, Oktobar 02, 2016 (HOL)-Waxay xalay loo dabbaal dagay sannad guuradii 3aad ee kasoo wareegatay markii la aasaasay matxafka dhaqanka Soomaalida ee Minnesota.