12/14/2017
Today from Hiiraan Online:  _
Wararka Maanta- Axad, Oct 2 , 2016
Sanad Guuraadii 3aad ee Matxafka Dhaqanka Soomaalida ee Minnesota oo loo Dabbaal Dagay




Axad, Oktobar 02, 2016 (HOL)-Waxay xalay loo dabbaal dagay sannad guuradii 3aad ee kasoo wareegatay markii la aasaasay matxafka dhaqanka Soomaalida ee Minnesota.

Munaasabad gaar ah oo loogu talagalay xuskan ayaa waxaa lagu soo bandhigay barnaamijyo iyo bandhigyo la xidhiidha dhaqanka iyo hiddaha Soomaalida. Waxaa kasoo qeyb galay fannaaniin caan ah oo Soomaaliyeed.

Waxaa fannaaniintaa ku jiray Axmed Cali Cigaal iyo Hibo Nuura iyo kuwo kale oo badan oo xiddigo ah. 

Guddoomiyaha matxafka ahna qofkii aasaaskiisa lahaa Cismaan Maxamed Cali Gurey ayaa saxaafada uga waramay sidii xafladaa loo soo agaasimay, ciyaarihii iyo sugaantii lagu soo bandhigay iyo mustaqbalka hanka maamulka matxafku damacsan yahay inuu gaarsiiyo matxafka.

Sanad walba, sanad guurada ayaa loo dabbaal dagaa hadba intii kasoo wareegta laga soo bilaabo markii la aasaasay matxafkaa.

Aaden M Warsame
Hiiraan Online
[email protected]





Post your comments

10/2/2016 12:18 PM EST
Axad, Oktoobar 02, 2016 (HOL) — Warar kala duwan, ayaa ka soo baxaya kulan maanta Dhax-maray wafdi uu horkacayay ra'iisal wasaare ku-xigeenka Xukuumadda Federaalka Somalia, Maxamed Cumar Carte oo maalintii shalay gaaray magaalada Beledweyne iyo duubabka dhaqanka uu horkacayo Ugaas Xasan Ugaas Khaliif.

10/2/2016 11:24 AM EST
Axad, Oktoobar 02, 2016 (HOL) — Isbahaysiga Xisbiyada Siyaasadeed ee Somalia, ayaa kulan ay ku yeesheen Muqdisho kazoo saaray war-saxaafadeed ay kaga hadleen xaaladda dalka iyo dib u dhigidda Doorashooyinka sannadkan 2016-ka dhacaya.

10/2/2016 10:55 AM EST
Axad, Oktoobar 02, 2016 (HOL) — Magaalada Burco ee Xarunta Gobolka Togdheer, ayaa la sheegay inay baryahan dambe kusoo badanayaan dhallinyaro habeenkii jidadka dadka ku baadha isla markaanka shacabku ka cawdaan.

10/2/2016 7:58 AM EST
Axad, Oktoobar 02, 2016 (HOL) — Hay'ada culumada Soomaaliyeed ayaa maanta walaac ka muujisay qoondada 30% ah ee Haweenka ay ku leeyihiin hay’adaha dastuuriga ee Dowladda Federaalka Somalia, gaara haan Saamiga kuraasta Baarlamaanka la dhisi doono dhawaan.

10/2/2016 5:22 AM EST
Axad, Oktoobar 02, 2016 (HOL)-Ku-xigeenka taliyaha ciidamada AMISOM, Mohammedesha Zeyinu ayaa Soomaaliya qeybo ka tirsan booqday.

10/2/2016 4:17 AM EST
Axad, Oktoobar 02, 2016 (HOL) — Madaxweynaha Maamulka Khaatumo Cali Khaliif Galeydh, ayaa sheegay inay ka baxayaan wadahadalka ay kula jiraan Somaliland, haddii aysan joojin fara-gelin iyo kala qaybin uu sheegay inay ka dhex-wadaan shacabka Khaatumo.

10/2/2016 4:04 AM EST
Axad, Oktoobar 02, 2016 (HOL) — Guddoomiyaha Gobolka Banaadir, Yuusuf Xuseen Jimcaale ayaa amray in la furo waddooyinka lagu xirtay dhagaxaanta ee ku yaalla magaalada Muqdisho.

10/2/2016 3:44 AM EST
Axad, Oktoobar 02, 2016 (HOL)-Madaxa nabad sugida ayaa doonaya in uu xilka ka qaado 1,500 ka tirsan nabad sugida Soomaaliya maadaama falalka amni darro ay kusoo badanayaan dalka.