3/29/2024
Today from Hiiraan Online:  _
Wararka Maanta- Isniin, Nov 27, 2016
Dowladda Uganda oo ciidammo dheeraad ah u soo direysa Soomaaliya

Axad, November, 27, 2016 (HOL) -Dowladda Uganda ayaa sheegtay in ay Soomaaliya u soo dirayso in ka badan 2,000 oo askari oo dheeraad ah,, kuwaa oo qeyb ka noqon doona howlgalka midowga Africa AMISOM.

Warbaahinta dalkaas oo soo xiganeysa saraakiil ka tirsan dowladda Uganda ayaa sheegay in xukuumada dhawaan u daabuli doonto Soomaaliya 2,275 askari oo dheeraad ah, kuwaasoo ay shaqadooda ugu badan noqonayso xoojinta dagaalka lagula jira ururka Al-Shabaab.

Jen. Katumba Wamala oo ah taliyaha ciidammada difaaca dalka Uganda  oo hadal ka jeedinayay munaasabad lagu sagootinayay ciidammadan ayaa sheegay in ay dadaaalka ugu badan galin doonaan siddii Soomaaliya looga dhigi lahaa meel amaan ah.

Waxaa uu sheegay in dowladdiisa wax culeys ah ku heynin, mishaarka mar marka qaar ka soo daaha ciidammada, isaga oo intaa ku darray in ujeedada ay Soomaaliya uga howlgalaan tahay in ay caawiyaan dadka Soomaaliyeed.

Ugu danbeyntii, hadalkan ka soo yeeray dowladda Uganda ayaa imanaya xili ay dhawaan si wadda jir ah u shaaciyeen taliska AMISOM iyo kuwa xoogga dalka Soomaaliyeed howlgal ka dhan ah Al-shabaab.

C/raxmaan Diini, Hiiraan Online
[email protected]
Beledweyne, Soomaaliya













Click here
11/27/2016 2:31 PM EST
Axad, November, 27, 2016 (HOL) - Wararka ka imanaya dalka Uganda, ayaa sheegaya in ciidammada booliiska galbeedka dalka xabsiga u taxaabeen boqor Rwenzururu, kaddib dagaal ay ku dhinteen in ka badan 56 ruux oo dhaxmaray ciidammada Uganda iyo maleeshiyaad la sheegay in u daacad ahaayeen boqorka.

11/27/2016 1:48 PM EST
Axad, Nofeembar 27, 2016 (HOL)-Dr. C/Raxmaan Maxamed Cabdi Xaashi oo ka mid ahaa murashaxiintii aqalka hoose ee Puntland kasoo gali lahaa ayaa qoraal cabasho ah soo saaray kaasoo uu uga cabanaayo in laga musuqmaasuqay hannaankii lagu soo dooran lahaa.

11/27/2016 12:06 PM EST
Axad, November, 27, 2016 (HOL) - Doorashada xubnaha aqalka hoose oo wali ka socta magaalada Jowhar ee xarunta dowlad gobolleedka Hirshabeelle ayaa waxaa ku soo baxay xildhibaanno aan horay ugu tirsaneyn baarlamaanka,iyadoo laga guuleystay mudanayaal hore.

11/27/2016 9:12 AM EST
Axad, November, 27, 2016 (HOL) - Maamulka gobolleedka Galmudug ayaa qoraal ka soo baxay maanta waxaa ay ku dalbadeen in la badallo guddoomiyaha guddiga xalinta khilaafaadka heer dowlad gobolleedka ee Galmudug.

11/27/2016 8:31 AM EST
Axad, November 27, 2016 (HOL) — Fidel Castro, ayaa Waddanka Cuba Hoggaaminayay muddo Nus-qarni ah, iyadoo xisbigiisa oo keliya uu waddankas ka talinayay. xilligaasoo uu Calanka Casrto ee Guduudka ah ka Ag-babanayay Dalka Mareykanka oo ahaa Cadowgiisa ugu weyn.

11/27/2016 8:12 AM EST
Axad, November 27, 2016 (HOL) — Ugu yaraan 55-ruux, ayaa lagu dilay iska-horimaad dhexmaray ciidamada booliiska Uganda iyo koox doonaysay inay sameysato Jamhuuriyad u gaar ah, sida uu sheegay afhayeenka Booliiska dalka Uganda.

11/27/2016 5:44 AM EST
Axad, Nofeembar 27, 2016 (HOL)-Fidel Castro, waa madaxweynihii hore ee Cuba ee shuuciga ahaa ee Sabtidii shalay geeriyooday.

11/27/2016 4:50 AM EST
Axad, November 27, 2016 (HOL) — Xildhibaanno iyo Waxgaradka kasoo jeeda gobollada Waqooyiga Soomaaliya ee Muqdisho ku sugan ayaa Bayaan ay soo Saareen, ku sheegay in lagu hayo fara-gelin dhanka doorashada sannadkan ah.

11/27/2016 2:56 AM EST
Axad, November 27, 2016 (HOL) — Xoogag taabacsan Al-shabaab ayaa ku qaadday xalay Weerar Saldhig ay Ciidamada Dowladda Somalia ku leedahay Deegaanka Laanta-buuro ee Gobolka Shabeelaha Hoose.

11/27/2016 2:38 AM EST
Axad, November, 27, 2016 (HOL) -War qoraal ah oo ka soo baxay guddiga doorashada heer federaal ayaa markii ugu horeysay leysku hor taagay natiijada doorashada labo xildhibaan oo maalintii shalay lagu doortay magaalada Jowhar ee xarunta maamulka gobolleedka Hirshabeelle.

11/27/2016 2:31 AM EST
Axad, Nofeembar 27, 2016 (HOL)-Kulliyad cusub [waa Kulliyadda Sayniska iyo Tiknoolojiyadda] ayaa laga dhex furay Jaamacada Ummada ee Muqdisho.

11/27/2016 2:04 AM EST
Axad, November, 27, 2016 (HOL) - Madaxweynaha dowladda Soomaaliya oo Xassan Sheekh Max'uud oo markii ugu horeysay ka hadlay cabashada ka jirta doorashada aqalka hoose, ayaa sheegay in uu qirayo in qaladaad ay dhaceen, laakiin yihiin kuwo aad u yar.

11/27/2016 12:28 AM EST
Axad, Nofeembar 27, 2016 (HOL)-Ururka Eastleighwood oo ka shaqeeya xaafada Eastleigh ee magaalada Nairobi kana shaqeeya arimaha wacyi galinta, dhaqanka, farshaxanka, is dhexgalka, jiheynta dhalinyarada iyo barnaamijyada tababarada ayaa shalay qabtay bandhig lagu soo bandhigayay dhaqan Soomaaliga iyo dhaqamada bulshooyinka kale ee Kenya ku dhaqan.