Hiiraan Online

Isniin, December, 19, 2016 (HOL) – Degmada Buuhoodle ee gobolka Ceyn, gaar ahaan deegaanka lagu magacaabo Shaxda ayaa siweyn loogu soo dhaweeyay madaxweynaha dowlad deegaanka Itoobiya Cabdi Max’uud Cumar.

Madaxweynaha dowlad deegaanka Itoobiya  ayaa sheegay in safarkiisa uu ugu kuur galayo xaalada abaareed ee ka jirta deegaanadan, isaga oo sheegay in dowladda uu hogaamiyo si weyn uga qeyb-qaadan doonto taakulaynta dadka ku tabaaleysan deegaannada ay abaarta ku dhufatay.

Cabdi Max’uud Cumar ayaa intii uu deegaanka ku sugnaa kulamo gaar gaar ah la qaatay qaar ka mid ah odayaasha dhaqanka  beelaha SSC oo uu ka mid yahay Garaad  C/risaaq Garaad Soofe iyo waxgaradka deegaanka.

Ugu danbeyntii, booqashadan madaxweynaha dowlad deegaanka Itoobiya ayaa noqoneysa tii ugu horeysay ee uu ku tago Buuhoodle.

Seynab Cabdi Warsame
[email protected]
Laascaanood. Sool