Madaxweynaha Somalia Xasan Sheekh iyo Wafdi uu Hoggaaminayo oo Maanta Gaaray Beledweyne
Jimco, Maarso
25, 2016 (HOL) — Waxaa goor-dhaweyd gaaray magaalada Beledweyne ee xarunta
gobolka Hiiraan wafdi ballaaran oo uu hoggaaminayo madaxweynaha Soomaaliya, Xasan
Sheekh Maxamuud.
Wafdiga Madaxweynaha Somalia ayaa waxaa ka mid ah; Wasiirka Amniga, C/risaaq Cumar Maxamed, Wasiirka Batroolka,
Maxamed Mukhtaar Ibraahim, Wasiirka Dhallinyarada iyo Cayaaraha, Maxamed C/llaahi
Xassan Nuux, iyo Xildhibaanno ka tirsan Baarlamaanka Soomaaliya.
Xubno ka
tirsan labada golle ee dowladda iyo mas'uuliyiinta maamulka gobolka Hiiraan
ayaa ku soo dhaweeyay garoonka diyaaradaha wafdiga madaxweynaha oo loo soo
galbiyay xarunta maamulka gobolka.
Sidoo kale, lama oga
ujeeddada rasmiga ah ee ka dambeysa safarka madaxweyne Xasan oo safarkiisan noqonayo kii
saddexaad oo uu Magaalada Baladweyne ku tagay tan iyo markii uu soo if-baxay khilaafka ka taagan dhismaha maamulka gobollada
Hiiraan iyo Shabeellada Dhexe.
Wixii warar
ah ee kusoo kordha safarka Madaxweynaha uu maanta ku tagay Baladweyne,
waxaad kula socon doontaan wararka HOL ee soo socda haddii ALLE ogolaado.
C/raxmaan
Diini, Hiiraan Online
[email protected]
Beledweyne, Soomaaliya