C/WELI GAAS: Al-shabaab haday Qof naga naga dilaan 20-qof oo ayaanu ka dilaynaa (SAWIRRO)
Khamiis, Juun 09, 2016 (HOL) — Madaxweynaha Puntland, C/weli Maxamed Cali Gaas oo dib ugu soo laabtay Maanta Magaaladda Garoowe ayaa wuxuu sheegay in Puntland ay dagaal kale oo adag la galeyso Ururka Al-shabaab ee ka Dagaallama Somalia.
C/weli Gaas ayaa xusay in Al-shabaab markii ay qof ku dilaan Puntland ay ka dili doonaan iyaguna 20-ruux ka mid ah xoogagga Al-shabaab ee ku jira Xabsiyada Puntland.
Sidoo kale, Madaxweynaha Puntland - ayaa Tacsi u diray Ehelladii iyo Saaxiibbadii Dhudi Yuusuf Aadan oo Xalay Kooxo hubeysan ay dil ugu geysteen Magaalda Gaalkacyo, iyadoo hor-fadhida gurigeeda.
Maamulka Puntland ayaa Al-shabaab kaga Adkaatey dagaal ay kula gashay bishii Abriil ee sanadkan 2016, kadib markii guutooyin Al-shabaab ka tirsan ay kasoo dageen deegaannada ku yaalla xeebaha Bari ee Puntland, sida; Garmaal iyo Garacad.
Ugu dambeyn, Hadalka kasoo yeeray Madaxweynaha Puntland, C/weli, ayaa wuxuu kusoo beegmayaa xilli Magaalada Gaalkacyo xalay lagu dilay Guddoomiyhii Haweenka Puntland ee Gobolka Mudug.
Abaadir C/qaadir Cilmi, Hiiraan Online
Email: [email protected]
Garoowe, Puntland, Soomaaliya
