Arbaco, Juun 08, 2016 (HOL)-Dagaal xooggan ayaa xalay ku dhexmaray ciidamada dowlada Soomaaliya iyo kuwa xarakada Alshabaab gobalka Shabeelaha Dhexe ee koofurta Soomaaliya.
Dagaalka ayaa ka dhacay deegaanka Masjid Cali Gaduud kadib markii xarakatu Shabaab ay fariisinkaasi ciidamada dawlada ay weerartay.
Dagaalkaa ayaa waxaa laisu adeegsaday noocyada kala duwan ee hubka oo ay kujiraan qoryaha darandooriga u dhaca iyo madaafiicda goobta.
Khasaaraha ka dhashay dagaalka ayaan faahfaahin dheeraad laga hayn ayadoo dawlada Soomaaliya iyo warbaahinta Soomaaliya badankeedu ka gaabsadeen oo wax badan aysan ka sheegin ama aysan ka qorin.