SAWIRRO: Muqdisho oo lagu qabtay Dood la Xiriirta Saameynta Shuruurka ee Warbaahinta
Isniin, Juun 06, 2016 (HOL) — Waxaa Muqdisho lagu Qabtay Kulan aad u ballaaran kasoo loogu magacdarey Saameynta uu Sharuurka [lacagta la siiyo wariyeyaasha] uu ku leeyahay warbaahinta waxaana kulanka soo qaban-qaabiyey Somali Media Nework (Shabakadda 13) kulanka oo ay ka qayb-galeen qaybaha kala duwan ee Warbaahinta iyo Uurrada Bulshadda Rayidka.
“Markaan ogaaney Dhibaatada uu sharuurka ku leeyahay Warbaahinta ayaan go;aansaney in aan qabano kulankaan ama doodaan si Xal looga gaaro Dhibaatadaas oo saameyn ku yeelatey dhamaan Warbaahinta Soomaaliyeed “saa waxaa yiri Saciid Xagaa oo ka tirsan Hayadda MEDIA INK oo Taageera ka hesha FREE PRESS UNLIMITED ayaa u soo jeediyey ka qayb galayaasha in ay Xooga saaraan Qododbo muhiim u ah joojinta ama xal ka gaarista Sharuurka
Xubnihii kale ee halkaa ka hadlay waxaa ka mid ahaa Gudoomiyaha Dalladda SOSCENSA C/llaahi Maxamed Shirwac Wuxuuna yiri. "Sharuurka Waxa la yiraah Waxaa keenay baahi jirta taasoo aan la xalin way adag tahay in la joojiyo Sharuurka, waxaana oran lahaa arrinta waxaa wax ka qaban kara Maamulka Warbaahinta marka uu dabaaol Baahida Wariyaha.“
Waxaa kaloo ka hadlay Sh. Bashiir Axmed Salaad oo ah Gudoomiyaha Hay’ada Culimada Soomaaliyeed waxaa uu yiri “ Sharuur Warbaahinta qaadato Maxaa idiin tusiyey Wadanka oo dhan baa Sharuureysan marka aan u wada istaagno sidii Xal looga gaari lahaa arrimaha la xiriira Sharuurka “
Xubnaha kale ee halkaa ka hadlay, Waxaa ka mid ahaa Xildhibaan Cabdi Xaashi C/llaahi oo xusay in arrinta Sharuurka lagu joojin karo in marka hore la daboolo baahida Wariyaha maadaama Mushaarka uu qaato uu aad u yar yahay mida kale Xeerka Saxaafadda waxaa ku qoran warbaahin aan dhaqaalaheeda isu filneyn aan la furi karin taasina waxay horseedi kartaa in Sharuurka meesha ka baxo.
Sahro Maxamed Axmed oo ka mid Masuuliyiinta Hayadda SWDC oo shirka ka hadashey ayaa ku dheeraatey Xaaladda Wariyaha, Waxaya Carabka ku Dhufatay in marka hore laga hadlo Dhibaatooyinka mar walba loo geysto Wariyaha marka taas la xaliyo ayaa laga hadli karaa Arrimaha Sharuurka sidaa darteed aan gacan ka geysano xaaladaha mar waliba lasoo gudboonaado .Warbaahinta Soomaaliyeed
Ugu dambeyn, Waxaa halkaa ka hadlay C/raxiin Ciise Caddoow, C/fataax Xalane, Yuusuf Xasan iyo Faarax Cumar Nuur oo dhamaantood xusay in loo baahan yahay in marka hore Muhiimad la siiyo Wariyaha, si la Daboolo baahidiisa; Sidoo kale waxay soo jeediyeen in Wariayaha marka uu helo shaqo warbaahineed uu saxiixo heshiis si loo helo Heshiis labada dhinac ka wada raali yihiin iyadoo ka qayb galayaasha loo Qaybiyey kooxo-kooxo kuwaas oo kasoo shaqeeyay arrimaha la xiriirka Sharuurka sida xal looga gaari karo.
Maxamed X.Xuseen, Hiiraan Online
[email protected]
Muqdisho, Soomaaliya