Kulan looga cabanayo gudiyada doorashada iyo madaxda dowlad gobolleedyada oo Muqdisho ka dhacay
Sabti, December, 17, 2017
(HOL) Kulankan oo ay ka qeyb-galeen musharixiin, xildhibaanno, iyo qaar ka mid
ah odayaasha 135ta loo asteeyay in ay
qeyb ka noqdaan hanaanka doorasho ee dalka, ayaa sheegay in aan cadaalad loo maamulin soo
xulistii xildhibaannada aqalka hoose ee gobollada dalka.
Gaar ahaan waxaa ay ku eedeeyeen gudiyada doorashada
iyo madaxda dowlad goboleedyada in ay musuq -maasuqeen doorashada, iyaga oo baaq
u diray beesha caalamka iyo guud ahaanba
dalalka daneeya arrimaha Soomaaliya.
War-saxaafadeedka ay
soo saareen ayeey uga dalbadeen guddiga madaxabanaan ee xalinta khilaafaadka in ay cadeeyaan habkii ay u gaareen go’aankii
ka soo baxay 14bishan ee lagu laalay 11ka kursi, iyadoo ay jiraan kuraas intaa
ka badan oo horay beesha caalamka ugu soo gudbiyeen.
Musuq –maasuqa dhacay ayeey ku tilmaameen mid ka baxaad weynaa inta
in la soo bandhigay , iyaga oo dalbaday in si sharuud la’aan ah loo
joojiyo kuraasta kale ee wali muranka
iyo khilaafka uu ka jiro.
War-saxaafadeed ayaa lagu qoray in doorashadan aheyd fursad mudo dheer ay sugayeen umadda Soomaaliyeed, siddaa daraadeed sidda ay hadalka u dhigeen indhaha laga qabsado cadaalada darada baahsan ee ka dhacday xarumaha dowlad gobolleedyada.
Ugu danbeyntii, odayaasha, xildhibaannada iyo musharixiintii
ka qeyb-gashay kulanka ayaa dalbaday in laga jawaabo codsiyada ka yimid beesha
caalamka ee la xiriira in guddiyada doorashada sharaxaad ka bixiyaan kuraasta
aan wali go’aanka laga gaarin.
C/raxmaan Diini, Hiiraan Online
[email protected]
Beledweyne, Soomaaliya
