Shirweynihii dhismaha ururka MiniFootball oo lagu soo gabagabeeyay dalka Tunisiya
Jimco, Decembar, 16, 2016 (HOL) -Ururka MiniFootball ee adduunka, waa urur ku cusub adduunka oo
kubbadda cagta ah oo muddo dhowr sanno laga joogo la aasaasay, waxana xusid mudan in tirada
cayaartooyda garoonka ku cayaaraysa yihiin kuwo ka yar tiradiii caadi ahaan la yaqaanay ee 11ka cayaaryahan ahaa.
Waa markii u horreysey taariikhda oo ay sameystaan Qaradda Africa guddi maamula ururka MiniFootballka Qaaradda Africa.
Magaalada
Tuunis waxaa isugu yimid wufuud ka kala socotay in ka badan 10 dalka oo
ay ka mid yihiin Soomaaliya, Koofurta Afrika , Gambiya, Liibiya,
Botoswana, Kenya, Kameroon iyo dalka martida loo yahay ee Tunisiya,
Dood
iyo falanqeyn kedib, waxaa markii hore loo tartamey jagada Madaxweynaha
ururka MiniFoodball qaarada afrika iyo labo kuxigeen.
Waxaa
loo doortay Madaxweynaha ururka minifootball ee Qaaradda Africa Ashraf
bin Saalax, oo ka socday dalka tunisiya. madaxweyne ku-xigeenka koowaad
Dr. Cabdulqaadir Maxamed Cadeey oo ka socday dalka Soomaaliya. madaxweyne
ku xigeenka labaad Ing xuseen, oo ka socday daka Liibiya.
Intaa kaddib waxaa la sameeyay isku aadkii kooxaha MiniFootball qaaradaa Africa oo loo qeybiyey A iyo B
Group A
Soomaalya -Koofur Afrika - Gambiya
Group B
Liibiya - Tunis - Kenya
Madaxweynaha
Minfootball qaaradda Afrika mudane Ashraf, waxaa uu sheegay in loo
baahanyahay in ururka si wada jir loogu wada shaqeeyo, lana gaarsiiyo
meel sare, si uu guul ugu soo hoyo qaarada Afrika
Cabdi
Xaaq guddoomiye-ku-xigeenka Soomaali Minifootball waxaa uu sheegay in
Soomaaliya ay u soo hoyatay guul maadaama ay noqdeen
Guddoomiye-ku-xigeenka ururka minifootball ee qaarada afrika. waxaana uu
u mahadceliyey dadkii ka soo shaqeeyey shirkaas.
Cayaaraha
isreebreebka koobka minifootball adduunka ee qaaradda afrika waxaa uu
bilaabanayaan sannadka soo socda bisha 06-April-2017
Wafdiga
heer qaran ee soomaalida waxaa hoggaaminayay guddoomiye ku xigeenka
ururka somali MiniFootball mudane Cabdixaaq Maxamed, xoghayaha guud
somali minifootball Aasiya mudane liiban Cabdi, Xoghayaha guud somali
minifootball waqooyiga mareykanka mudane Xasan Goodax, xoghayaha guud
somali minifootball UK mudane cabdulqaadir dacar iyo wariye Faarax
Yaasiin.
Farah Yassin Osman, Hiiraan Online
Tunisiya
