Nabad sugida Soomaliya oo qabtay Jawaanno Khamri ah kaddib howlgal ay ka sameeyeen Muqdisho
Arbaco, December, 14. 2016 (HOL) - Saraakiisha hay'addaha nabad-sugida Qaranka ayaa soo
bandhigtay jawaano ay ku jiraan khamri badan, kuwaasi oo lagu soo qabtay
howlgal ay ciidammada ka sameeyeen magaalada Muqdisho.
Saraakiisha hay'adda nabad-sugida oo ka warbixiyay khamriga iyo soo qabteen ayaa sheegay in a ka soo saareen bakhaaro lagu keydiyay oo ku yaalla degmada Warta Nabad Ex Wardhiiglye.
Ku dhawaad 74 jawaan oo ay ku jiraan maandooriyaha Khamriga ayaa laga
soo saaray bakhaarka ku yaala degmada Warta Nabbada, waxaana
saraakiisha ay sheegeen iney wax ka qaban doonaan dadkii khamriga lahaa.
Saraakiisha u hadashay nabad sugida ayaa sheegay in maandooriyaha
khamriga uu kamid yahay waxyaabaha dhibaatada amni darada magaalada
Muqdisho ka qeyb qaata, balse ma jirin dadkii khamriga lahaa oo lasoo
bandhigay.
Ugu danbeyntii, saraakiisha ayaa sheegay in ay sidoo kale bartilmaameyd ka dhigan
doonaan goobaha kale ee lagu iibiyo khamriga ee ku yaala magaalada
Muqdisho, ayna ka hortagi doonaan waxyaabaha maanka dooriyo.
C/raxmaan Diini, Hiiraan Online
[email protected]
Beledweyne, Soomaaliya
