3/29/2024
Today from Hiiraan Online:  _
Wararka Maanta- Axad, Sept 27, 2015
Wafdi uu Hoggaaminayo Madaxweyne Siilaanyo oo Safar ugu Baxay Dalka Ireland (SAWIRRO)


Axad, September 27, 2015 (HOL) — Wafdi uu hogaminayo Madaxweynaha Somaliland Axmed Maxamed Siilaanyo ayaa maanta ka Ambabaxay Madaarka Cigaal International ee Magaalada Hargeysa, isagoo sheegay inuu Safar shaqo ku tagayo Ireland, isla markaana ku sii hakan doonno magaaladda Dubai ee isku tagga imaaraadka Carabta.

Sidoo kale, madaxweynaha waxay madaarka Hargeysa ku kulmeen madaxweynihii hore ee Somaliland, Daahir Rayaale Kaahin oo isna maanta dhoofay , isla markaana isku Diyaarad ay Wada-raacayeen Siilaanyo.

Madaxweyne Siilaanyo oo qolka nasashadda warbaahinta kula hadlayey ayaa sheegay inuu Mas'uuliyiinta dalka Ireland ballansan yihiin, isla markaana ka wadahadi doonaan arrimaha Somaliland iyo horumarka Somaliland ay gaadhay mudaddii ay dib ula soo noqotay madax banaanideeddii.

“Waxaan jecelahay in aan faahfaahin kooban idinka siiyo socdaal rasmi ah oo aan maanta ugu ambabaxaayo wadanka Ireland oo aan ku tegayo booqosho rasmiya. Waxaanan aniga iyo weftiga ila socdaa aan kulammo la yeelan doonaa haddii ALLE idmo Madaxweynaha IRELAND iyo masuuliyiin sare, waxaana kala hadli doona qadiyada Somaliland iyo sidii loo sii xoojin lahaa xidhiidhka labada dhinac, Isla markaana waxaanu u bandhigi doonaa aragtida Qaranka Somaliland ee ku wajahan xaqa dadku ay u leeyihiin dawladnimadooda oo mudo dheer dhinac-dhaqaale, degenaansho, siyaasadeed iyo dawladnimo ka turjumaysa rabitaanka Dadweynaha Somaliland ay dadka reer Somaliland ku guulaysteen, una baahan yihiin in gacan laga siiyo hawlahaasi ay ku mashquulsan yihiin dawlada iyo shacbkeena,” ayuu yidhi madaxweyne Silaanyo oo ka warbixinayey ujeedadda safarkiisa.

Waxaanu intaas ku daray “Socdaalkani wuxuu ka mid yahay socdaaladii aan horeba ugu tegi jiray wadamada caalamka si aan ugu bandhigo, uguna qanciyo beesha caalamka waxa ay mudan tahay Somaliland in laga yeelo. Waxanan sii mari-doonaa Imaaraadka Carabta kadibna waxaanu uga sii gudbi doono Ireland. Dadka Somaliland waxaan ku waaninayaa in sidii ay awalba heeganka ugu ahaayeen nabadgelyada qaranka ay sii xoojiyaan.”

Madaxweynaha Waxaa Safarkiisa ku wehliyay Marwadiisa, Aamina Sh. Maxamuud Jirde, Wasiirka madaxtooyadda Xirsi Cali X. Xasan iyo Xoghayaha gaarka ah ee Madaxweynaha Md. Cali Axmed Cali.

Weftiga madaxweynaha madaarka ku sii dhoweeyey madaxweyne ku xigeenka C/raxmaan Saylici, gudoomiyaha xisbiga KULMIYE, wasiiro, xildhibaano iyo dadweyne kaleba.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
9/27/2015 4:20 PM EST
Axad, September 27, 2015 (HOL) — Ciidamada AMISOM ee ku Sugan Garoonka kubada Cagta ee Muqdisho Stadium ayaa gellinkii dambe ee maanta oo Axad ah toogasho ku dilay wiil dhallinyaro ah oo Kubad Ciyaarayay.

9/27/2015 3:30 PM EST
Axad, September 27, 2015 (HOL) — Wasiirka Beeraha iyo Waraabka Maamulka KMG ah ee Koonfur-galbeed, Maxamed Xassan Fiqi oo ay wehliyeen Duqa Baydhabo, Cabdullaahi Mad-Watiin ayaa maanta booqday Beeraha Degmada xilli beeraleydu howlahooda caadiga ah ku jiray.

9/27/2015 12:55 PM EST
Axad, September 27, 2015 (HOL) — Taliska Qaybta Afaraad ee Hawl-galka Ciidamada Midowga Afrika AMISOM ee gobollada dhexe ayaa sheegay in wixii xiligan ka dambeeya ay Degmada Buula-burte ka baxday go’doonkii ay mudada dheer ku jirtay.

9/27/2015 12:13 PM EST
Axad, September 27, 2015 (HOL) — Ra’iisul Wasaaraha Xukuumadda Somalia, Cumar C/rashiid Cali Sharmaarke oo Maanta Shir jaraa’id ku Qabtay Xafiiskiisa Muqdisho ayaa baaq nabadeed lagu joojinayo colaadaha ka jira deegaanada Qorilay, Magaclay iyo Dhulka Hawdka ah oo ka kala tirsan Gobollada Mudug iyo Sool.

9/27/2015 11:33 AM EST
Axad, September 27, 2015 (HOL) — Golaha Xisbiyada Soomaaliyeed ee Somalia ka jira oo ah Gole ay ku Midoobeen inta badan Xisbiyada Siyaasadeed eedalka ayaa kulan Maanta ay ku yeesheen Muqdisho waxay kaga hadleen Arrimo ay ka mid yihiin; xaaladda uu dalku marayo, Madasha Wada-tashiga Qaranka ee Somalia, Mooshinka ka yaalla Madaxweynaha iyo Aragtida Xisbiyadaan ee Hiirgsiga Sannadka 2016-ka.

9/27/2015 9:47 AM EST
Axad, September 27, 2015 (HOL) — Xukuumadda Somaliland ayaa xabsiga u taxaabtay Afar ka mid ah Fannaaniinta kooxda Xidigaha Geeska oo Maalmihii Ciidul-Adxa Bandhig-faneed ku soo bandhigay magaaladda Muqdisho ee Somalia.

9/27/2015 9:29 AM EST
Axad, September 27, 2015 (HOL) — Hay’ada Humanitarian African Relief Organization (HARO) oo inta badan ku howlan Taageeridda Dadka Tabaaleysan, ayaa Waxay soo Gaba-gabeysay barnaamij hilbo-qaybin ah ee ciidul-Adxa ee Sannadka 1436 H/2015 M, waxayna Barnaamijkaas ka fulisay Magaalada Baydhabo.

9/27/2015 8:28 AM EST
Axad, September 27, 2015 (HOL) — Guddoomiyaha Golaha Wakiilada S/Land C/raxmaan Maxamed C/llaahi Cirro & ku xigeenkiisa koowaad Baashe Maxamed Faarax ayaa sheegay inay ka heshiiyeen gacan-ka-hadalkii horay u dhexmaray, isla markaana mudanayaasha iyo shacabka ka raalli-geliyay falkaas.

9/27/2015 8:04 AM EST
Axad, September 27, 2015 (HOL) — Xafiiska Madaxweynaha Faransiiska ayaa warbixin laga soo saaray lagu sheegay in Faransiisku ay Fuliyeen Duqeymo ka dhan ah kooxda ISIS ee ka dagaalanta Waddamada Ciraaq iyo Suuriya, kaddib macluumaad ay sirdoonka France Muddo laba toddobaad ah soo Ururinayeen.

9/27/2015 7:37 AM EST
Axad, September 27, 2015 (HOL) — Qarax bam oo ay ku dhinteen ugu yaraan Afar Qof, ayna ku Dhaawacmeen Tiro kale ayaa ka dhacay Sabtidii Shalay Maqaayad laga Cunteeyo oo ku taalla Magaalada Kismaayo ee Gobolka Jubbada Hoose, sida ay maanta Saraakiil ka tirsan Booliiska Maamulka Jubbaland.

9/27/2015 4:01 AM EST
Axad, September 27, 2015 (HOL) — Ugu yaraan 10-qof aya lagu dilay 38-qof oo kalena waa lagu dhaawacay kaddib dagaallo oo Sabtidii shalay ku Dhex-maray Dalka Bartamaha Afrika dhalliyaro Muslimiin iyo Masiixiyiin ah.

9/27/2015 3:27 AM EST
Axad, September 27, 2015 (HOL) — Wasiirka Arimaha Dibadda DF Soomaaliya C/salaan Hadliye Cumar ayaa sheegay in Shir-weynaha Sannadkan ee Qaramada Midoobey ay ka Rajeynayaan Natiijo Wanaagsan.